ژمارەی قوربانیانی لافاوەكەی ئێران گەیشتە 76 كەس

03:05 - 14/04/2019
جیهان

لافاو زیانی 20 ملیارتمەنی بەئێران گەیاندوە

ژمارەی ئەو كەسانەی لەئەنجامی لافاوەكەی چەند رۆژی رابردووی ئێران گیانیان لەدەستداوە بۆ76 كەس بەرزبوەوە و زیانەمادییەكانی ئەو كارەساتە سروشتیەش بە 20  ترلیۆن تمەنی ئێرانی دەخەمڵێنرێت.


ئاژانسی هەواڵی فەرمی ئێران ئێرنا لە زاری ئەحمەد شوجاعی سەرۆكی دامەزراوەی پزیشكی دادوەری ئێرانەوە بڵاویكردەوە، بەهۆی لافاوەوە پێنج كەسی دیكە لە خوزستان و كەسێكیش لەئیلام گیانیان لەدەستداوە، بەوەش كۆی ژمارەی ئەو كەسانەی كەبەهۆی لافاوەكەی ئەم دواییەی ئێرانەوەگیانیان لەدەستداوە گەیشتە 76 كەس .

سەبارەت بەقەبارەی زیانە مادییەكانیش  كەناڵی دۆچە فیللەی ئەڵمانی لەزاری بەرپرسانی باڵای ئێرانەوە بڵاویكردەوە، زیانە مادییەكانی ئەو شەپۆلی لافاو وبارانە كە لەكۆتاییەكانی مانگی رابردوەوە ناوچەكانی باشور و باشوری خۆرئاوای ئەو وڵاتەی گرتوەتەوە بە 20 ترلیۆن تمەنی ئێرانی دەخەمڵێنرێت.

44 جار خوێندراوەتەوە