ئەمریكا؛ فڕۆكەیەكی زەبەلاح دروستكرا كە خاوەنی دوو گەورەترین باڵە لەجیهاندا

02:56 - 14/04/2019
هەمەڕەنگ

كۆمپانیای ستراتۆلۆنچ، فڕۆكەیەكی زەبەلاحی دروستكردوە، شەش بزوێنەری هەیەو خاوەنی درێژترین دوو باڵە لەجیهاندا، كێشی فرۆكەكەش نزیكی 60 تەنە.

فڕۆكە زەبەلاحەكە لە ناوەندی مۆهاڤی ئاسمانیەوە فڕی بەرەو بیابانەكانی باكوری لۆس ئەنجلس. بۆ ئەوەی تاقی بكرێتەوە.

فڕۆكەكە بۆ ماوەی دوو كاتژمێرو نیو بەخێرایی 189 میل لەكاتژمێرێكداو بە بەرزیی نزیكەی پێنج هەزارو 181 مەتر, فڕیوە.  

بزوێنەری فڕۆكەی ستراتۆلۆنچ. هاوشێوەی بزوێنەری فڕۆكەی جۆری بۆینگ 747 ە.  

درێژی فڕۆكەكە 72 مەترو نیوە. بەجۆرێك دروستكراوە, دەتوانێت لەیەك كاتدا بەباڵە زەبەلاحەكانیەوە كە درێژی هەردوكیان 117 مەترە, سێ موشەكی هەڵگری مانگی دەستكرد. هەڵبگرێت.

فڕۆكەی ستراتۆلۆنچ دەتوانێت لەبەرزی 10 هەزارو 668 مەتردا, موشەكەكانی هەڵبدات بەرەو بۆشایی ئاسمان.
      
كۆمپانیاكە دەیەوێت ركابەریی كۆمپانیاكانی دیكەی بواری دروستكردنی فڕۆكەو هەڵدانی مانگە دەستكردە بچوكەكان بكات.  

945 جار خوێندراوەتەوە