بەراوردی سوپای ئیسرائیل و ئێران لە رووی نەخشەو توانای سەربازییەوە

08:28 - 13/04/2019
جیهان

ئیسرائیل ساڵانە 20 ملیار دۆلار بۆ سوپا تەرخاندەكات
ئێران ساڵانە 38 ملیار دۆلار بۆ سوپا تەرخاندەكات
ئیسرایل زیاتر لە 615 هەزار سەربازی هەیە و ئێران 934 هەزار سەربازی هەیە

 
هەرچەندە ناو بەناو سوپای ئیسرائیل هێرش دەكاتە سەر بنكە سەربازییەكانی ئێران و كۆماری ئیسلامی ئێرانیش وەڵامی دەداتەوە و هەرەشەی ئەوە لە سوپای ئیسرائیل دەكات كە بەتوندی وەڵامی دەداتەوە.

سوپای ئیسرائیل  بەیەكێك لە سوپا گەورەكانی جیهان دادەنرێت كەساڵانە بودجەیەكی زۆری لە لایەن حكومەتەوە بۆ سەرفدەكرێت بەپێی دواین ئاماری ئیسرائیل لەیەك ساڵدا 20 ملیار دۆلار بۆ سوپاكەی لە سەرجەم سێكتەرەكاندا خەرج دەكات و لە بەرامبەردا سوپای پازداران كە ئەویش بەیەكێك لە سوپا بەهێزەكانی جیهان ناسراوە  ساڵانە لە بودجەی دەوڵەت 38 ملیار دۆلاری بۆ سەرفدەكرێت

لەلایەكی تریشەوە ژمارەی ئەو سەربازانەی كە هەردوو وڵات هەیانە زۆر جیاوازە سوپای ئیسرائیل 615 هەزار سەربازی هەیە كە 17یان هێزی تایبەت و سەربازن 445 هەزاریشیان سەربازی دەوڵەت و ئەركی پاراستنی سنورەكان لەئەستۆ دەگرن و 13 ئەندامی یەكەی تایبەتی هێزی نیزامی مۆسادیشان هەیە و بەپێیی یاسای سوپای ئیسرائیل یاسای خزمەتی سەبازی بۆ پیاو 2 ساڵ و 8 مانگە و بۆ ژنان 2 ‌واڵ خزمەت هەیە.

بەڵام سوپای ئێران بە كۆی گشتی 934 هەزار سەربازە و لەو ژمارەیەش 534 هەزاریان لە سوپای پاسداراندان 400 هەزاریان لە هێزی خزمەت و ئەرکی نیشتیمانی وڵاتدان  یاسای خزمەتی سەربازی لە ئێراندا تەنها پیاوان دەگرێتەوە كە ماوەكەی لە نێوان 2 ساڵ بۆ 18 مانگدایە

لەرویی كەلوپەلی سەربازییشەوە, ئیسرائیل 2765 هەزار تانكی هەیە 10 هەزار و 575 ئۆتۆومبیلی جەنگی هەیە و 650 گوێزەرەوی سەربازی هەیە و سێ هەزار موشەك وەشێن و ئاراستەگری موشەكی هەیە و 148 بنكەی جێگیری موشەكی دور مەوداشی هەیە, ئەوە لەكاتێكدایە , ئێران 1655  تانكی هەیە و 2215  ئۆتۆمبیلی جەنگی هەیە و 440 كوێزەرەوەی سەربازی هەیە و 2188 موشەك وەشێنی هەیە و 1533  بنكە موشەكی جێگیری هەیە.

لەرویی فرۆكەوانیشەوە  ئیسرائیل 252 فرۆكەی بچوكی شەركەری ئەمریكی هەیە و 252 فرۆكەی هێرشیبەری شەركەری خێرای هەیە و هەروەها 9 ئێف 35ی هەیە و 16ئێف شانزەی هەڵۆی سەركەریان هەیە و  10 فرۆكەی ئێف 15ی  و 5 ئێف پانزەی هەڵۆی درندەی هەیە  بەڵام ئێران 150 فرۆكەی شەركەری هەیە 148 فرۆكەی  هێرشبەری شەركەی هەیە و  وە خاوەنی یەك ئێف 14ی ئەمریكی هەیە هەروەها یەك فرۆكەی مەكدۆناڵ ئێف 4 و ناتەر شیپ ئێف 5 تایگەر دووی هەیە  هەروەها ژمارەیەك میك 29 و میك سو 24 و میك سو 25 ی هەیە كە ژمارەیان نەزانراون 

لەوری دەریاییشەوە سوپای ئێران لە پێش سوپای ئیسرائیلەوەیە كە ئیسرائیل تەنها سێ كەشتی جەنگی دەریای هەیە و یەك ژێر دەریاگەری گەورەی سەربازی هەیە ئەوە لەكاتێكدایە ئێران 32 كەشتی  گەورەی جەنگی هەیە و 5 ژێردەریاگەری گەورەی  لە دەریاكاندا هەیە.

لەروی پشتیوانی نێودەوڵەتییەوە سوپای ئێران پشتیوانی و راهێنانی سەربازی و پێداویستی كەرەستەی سەربازی لە روسیا دەكرێت بەڵام ئیسرائیل خۆی وەك سەرچاوەیەكی چەك وایە خۆی زۆربەی چەكەكانی بەهەم دەهێنێت ئەوشە گرنگیەكی گەورەی بۆ ئابوری ئەووڵاتە هەیە  لە لایەكی تریشەوە ئەمریكا پشتیوانیەكی تەواوی ئەو وڵاتە دەكات لە رویی سەربازییەوە 

چاودێرانیش باس لەوەدەكەن لە ئەگەری رووبەرروبونەوەی ئێران و ئیسرائیل دا ئێران ناتوانێت رووبەرووی سوپای ئیسرائیل بوەستێتەوە و بەرگەی هێرشە موشەكیەكان بگرێـت چونكە چەكە پێشكەوتوەكانی ئیسرائیل دەتوانێت هەموو بنكەسەربازیەكانی ئێران بكاتە ئامانج ئەوەش رەرای ئەوەی  موشەكەكانی ئێران و  چەكە ئەتۆمیەكانی دەتوانێت جیهان لەناو ببات.

15003 جار خوێندراوەتەوە