عێراق؛ پۆستی هەر چوار وەزارەتی ناوخۆ، بەرگریی، پەروەردە و داد بە بەتاڵی ماونەتەوە

07:55 - 10/04/2019
عێراق

عێرق؛ سوننەكان لەسەر كاندیدەكانیان بۆ وەزارەتەكانی بەرگریی‌و پەروەردە یەكلایی نەبوونەتەوە
عێراق؛ سائیرون رێگرە لەوەی فالح فەیاز پۆستی وەزیری ناوخۆ وەربگرێت


تائێستا پۆستی هەر چوار وەزارەتی ناوخۆ، بەرگریی، پەروەردە و داد لە حكومەتی عێراق بە بەتاڵی ماونەتەوە، سوننەكان دەڵێن: تا ئێستا لەسەر كاندیدەكانیان بۆ وەزارەتەكانی بەرگریی‌و پەروەردە، یەكلایی نەبوونەتەوە، هاوپەیمانیی سائیرونیش جەخت دەكەنەوە لەوەی، نابێت پۆستی وەزارەتی ناوخۆ بۆ فالح فەیاز بێت، یەكێتیش دەڵێت، كاندیدی ئەوان، بۆ وەزارتی داد، خالید شوانییە.


بە بەتاڵی مانەوەی وەزارەتەكانی ناوخۆ، بەرگریی، پەروەردە و داد، پرسی تەواونەكردنی كابینە وزارییەكەی عادل عەبدولمەهدی درێژە پێدەدات.

وەزارەتەكانی پەروەردە و بەرگریی، پشكی سونەكانن‌و ئەندامێكی سونەكان دەڵێت: كۆبوونەوەی بەردەوامیان هەیە، بەڵام لەسەر ناوی كاندیدەكان هێشتا  یەكلایی نەبوونەتەوە.

هاوپەیمانیی سائیرون كە بە بەربەستی سەرەكیی بەردەم فالح فەیازە بۆ بوون بە وەزیری ناوخۆ، تا ئێستا سوورن لەسەر بەرگرتن بە بەدیهێنانی ئەو خەونەی فەیاز و دەڵێن، ئەو پۆستە بۆ فەیاز، هێڵی سوورە

تائێستا یەكێتی، وەرگرتنی وەزارەتی داد بە مافی خۆی دەزانێت، بەڵام پارتی رێگربوە لە وەرنەگرتنی، ئەندامێكی فراكسیۆنی یەكێتی دەلێت: هەركات لەگەڵ پارتی پۆستەكەیان یەكلایی كردەوە، خالید شوانی دەبێتە كاندیدی ئەوان

مانەوەی چوار وەزارەت بە بەتاڵی، بوەتە جێگەی نیگەرانیی شەقامی عێراقی ‌و داوا دەكرێت، هەرچی زوە ئەو پۆستانە بە كەسی تەكنۆكڕات پڕ بكرێنەوە.

210 جار خوێندراوەتەوە