پارتی دواپێشنیاری خۆی لەسەر پۆستەكان ئاراستەی یەكێتی كرد

08:16 - 02/04/2019
کوردستان

 سبەینێ‌ یەكێتی وەڵامی دواپێشنیاری پارتی دەداتەوە 

پارتی پێشنیارێكی لەبارەی  پێدانی پشكەكانی لەكابینەی نوێی حكومەت ئاراستەی یەكێتی كردووە ‌و بڕیارە سبەینێ‌ لەلایەن ئەو حزبەوە وەڵام بدرێتەوە ‌و بەپێی زانیارییەكانیش زۆرینەی ئەندامانی سەركردایەتی یەكێتی لەگەڵ ئەو پێشنیارەنوێیەدان . 


پەیامنێری KNN لە سلێمانی ڕایگەیاند هەرچەند بریاربوو وەفدێكی پارتی ئێوارەی رۆژی ئەمڕۆ بێتە سلێمانی بەڵام بەهۆی تێپەڕبونی كاتەوە پەیامەكەی بارزانی لەوەفدەوە گۆڕدرا بە وەرەقەیەكی نوێ لە پێشنیاری پارتی بۆ پێدانی پشكەكانی یەكێتی لەكابینەی نوێی حكومەت.

هەربەپێی ئەو زانیاریانەی لە ئەندامێكی وەفدی یەكێتیەوە دەست KNN كەوتووە ، پارتی سەرۆكی پەرلەمان ‌و ، جێگری سەرۆكی حكومەت ، هەریەك لەوەزارەتەكانی پێشمەرگە ، پلاندان، لەنێوان وەزارەتی پەروەردەو خوێندنی باڵا یەكێكیان هەروەها لەنێوان رۆشنبیری ‌و شەهیدان یەكێكیان ، كۆی  وەزارەتەكان كراون بەشەش وەزارەت ‌و جێگری سێ وەزارەتی سیادی ‌و زیادكردنی دەستەكان كەپێشوتر دوان بوون.

واچاوەڕواندەكرێت سبەێنی چوارشەمە سەركردایەتی یەكێتی لەسلێمانی كۆبێتەوە دوای كۆبونەوەكە وەڵامی پارتی بدەنەوە، بەڵام سەرچاوەیەك لەوەفدی یەكێتی دەڵێت: تائێستا زۆرینە لەگەڵ ئەو پێشنیارە نوێیانەدایە ‌و بۆیە رێككەوتن تا ئەم ساتەوەختە ئەگەریی زۆرە.

10252 جار خوێندراوەتەوە