كۆتینیۆ بڕیاریدا یانەی بەرشەلۆنە بەجێبهێڵێت

06:59 - 30/03/2019
وەرزش

فلیپ كۆتینیۆ دوا رۆژەكانی لەگەڵ یانەی بەرشەلۆنە بەسەر دەبات‌و بڕیاریداوە لە كۆتایی ئەم وەرزەدا یانە كەتەلۆنیەكە بەجێبهێڵێت.

 

 رۆژنامەی سپۆرتی ئیسپانی بڵاویكردۆتەوە، كۆتینیۆ نیگەرانە لە دۆخەی كە لە یانەی بەرشەلۆنە تێیكەوتوە، بەتایبەتی كە لەلایەن ڤالڤێردی راهێنەرەوە فەرامۆش كراوە‌و وەك یاریزانی یەدەگ مامەڵەی لەگەڵدا دەكرێت.

 

بەپێی هەواڵەكەی سپۆرت، كۆتینیۆ بە چەند هاوڕێیەكی لە یانەی بەرشەلۆنەی وتوە دوای تەواوبونی ئەم وەرزە یانەكە بەجێدەهێڵێت‌و بیر لەوە دەكاتەوە داهاتوویەكی گەورەی هەبێت.

 

سپۆرت ئەوەشی ئاشكراكردووە، یانەی مانچستەر زۆر نزیكە وێستگەی داهاتووی كۆتینیۆ ببێت، بەتایبەتی كە ئەو یانە ئینگلیزیە هەوڵێكی زۆر دەدات ئەو هێرشبەرە بەرازیلیە بگوازێتەوە.

 

فلیپ كۆتینیۆ لە هاوینی رابردوو لە یانەی لیڤەرپوڵەوە روویكردە یانەی بەرشەلۆنە، بەڵام بەهۆی ئاستبەرزی عوسمان دیمبلیەوە وەك یاریزانی یەدەگ مامەڵەی لەگەڵدا دەكرێت، بەڵام میدیاكانی كەتەلۆنیا لەسەر ئەوە كۆكن كە ئیدارەی بەرشەلۆنە‌و تەنانەت دەستەی هونەرییش خواستیان نیە ئەو یاریزانەیان لە دەست بدەن.

500 جار خوێندراوەتەوە