هۆشداری لە ژێر ئاوكەوتنی شاری بەغداد دەدرێت

08:09 - 22/03/2019
عێراق


وەزیری پێشووی سەرچاوە ئاوییەكانی عێراق: زیادەڕەویی هەڕەمەكی لە سەر كەناری رووبارەكان هەیە
عێراق؛ بەبێ مەرجی سەلامەتی بەناوی وەبەرهێنانەوە كەناری رووبارەكان بەكرێ دەدرێن

 
وەزیری پێشووی سەرچاوە ئاوییەكانی عێراق رایدەگەیەنێت: زیادەڕەویكردنی هەڕەمەكیی لەسەر كەناری ڕووبارەكان هەیە بەناوی وەبەرهێنانەوە‌و هۆشدارییش دەدات لە ژێرئاوكەوتنی شاری بەغدا لەمساڵدا..

لەبەیاننامەیەكدا، حەسەن جەنابی، وەزیری پێشووی سەرچاوە ئاوییەكانی عێراق رایگەیاند: تەنها پرسەنامە بۆ ڕووداوەكەی موسڵ، بەس نییە و دەبێت ببێتە هۆی بەخۆداچوونەوە، چونكە زیادەڕەوی لەسەر كەناری ڕووبارەكان هەیە بەناوی وەبەرهێنان و بەكرێدانی كاتیی بەبێ بوونی مەرجی سەلامەتی.

 

ئاماژەی بەوەش كردوە: مۆڵەتی گوماناویی بۆ بەكارهێنانی كەناراوی سەرجەم ڕووبارەكانی عێراق، بۆتە دیاردە‌و جەختیشی كردوەتەوە كە، چەندینجار هۆشداری داوە لەبارەی زیادەڕۆیی سەر ڕوبارەكان لەژێر ناوی وەبەرهێناندا.

وەزیری پێشوی سەرچاوە ئاوییەكانی عێراق، ئەوەشی خستەڕوو: تەنانەت بەغداش لەژێر هەڕەشەی نوقمبوونە ئەگەر ڕوباری دیجلە لە چركەیەدا لە ٢٥٠٠ مەتری چوارگۆشە زیاتر ببێت و ئەوەش ئەگەری هەیە بەهۆی كەشی باراناوییەوە، ئەمساڵ ڕووبدات.

جەنابی باسی لەوەش كردووە، ڕوباری دیجلە، پێویستی بە قووڵكردنی بەردەوام هەیە لەگەڵ لابردنی بەربەستەكانی ڕاڕەوەكەی، تا بتوانێت لافاو بەڕێبكات و ئەم ڕووداوەی موسڵیش، دەرفەتە بۆ تیشك خستنە سەر ئەو لایەنانە..

5118 جار خوێندراوەتەوە