باكوری كوردستان؛ بەفر رێگای هاتوچۆی 55 ناوچەی نیشتەجێبونی داخستووە

01:45 - 19/03/2019
گەلەری

شەپۆلێكی دیكەی بەفربارین روو لە باكوری كوردستان دەكات و بەهۆیەوە، لە پارێزگاكانی وان و بەدلیس و جولەمێرگ، رێگای هاتوچۆی 55 گوند و ناوچەی نیشتەجێبوون داخراوە.

بەپێی راگەیەندراوێكی گەورە شارەوانی وان، لە باكوری كوردستان، بەهۆی زۆری رێژەی بەفر بارینەكەو بەردەوامی شەپۆلی سارد و سەرماوە، ئاستەنگی زۆر بۆ هاوڵاتیان و شۆفێران دروستبووە و ڕێگای هاتوچۆی 32 ناوچەی نیشتەجێبون لە سنوری ئەو پارێزگایە داخراوە.

هاوكات لە بەدلیس و جولەمێرگیش، ناسەقامگیری كەش و هەوا بەردەوامە و ڕێگای چەند ناوچەیەكی نیشتەجێبون و 11 كێڵگە و سەربە ناوەندی پارێزگاكان و سێ‌ گوندی سەر بە شارۆچكەی یوكسەكۆڤا داخراون.

ئاماژەبەوەشدراوە, تیمەكانی شارەوانی لە دوێنێوە سەرقاڵی كردنەوە و پاككردنەوەی ڕێگاكانن لەو بەفرە كەڵەكەبوانەی كە ئاستەنگیان بۆ هاوڵاتیان دروستكردوە.

220 جار خوێندراوەتەوە