واشنتۆن دەستی بە تاقیكردنەوەی موشەكی نا ئەتۆمی كردەوە

09:37 - 16/03/2019
جیهان

 لەسەروبەندی كۆتاییهاتنی پەیماننامەی موشەكە مەودا كورت و مام ناوەندەكان، واشنتۆن دەستی بە تاقیكردنەوەی موشەكی نا ئەتۆمی كردەوە.

میشێل بالدانز وتەبێژی وەزارەتی بەرگریی ئەمریكا پنتاگۆن ڕایگەیاندوە: لەئێستادا واشنتۆن، دەستی بە دروستكردنی پێكهاتەی جۆرێك لە موشەكی زەمینی كردوە كە موشەكی نائەتۆمییە..

 

دەشڵێت: پاشگەزبونەوەی لەدروستكردنی ئەم جۆرە موشەكانە لەحاڵەتێكدا دەبێت كە ڕوسیا پابەندبونی خۆی بە قەدەغەكردنی موشەكە مەودا كورت و مامناوەندەكانەوە دوپات بكاتەوە بەرلەوەی لەمانگی ئابی ئەمساڵدا ئەو ماوەیە تەواو ببێت كە ئەمریكا بۆ ڕوسیای دیاری كردوە.

پەنابردنە بەر دروستكردنی موشەكی نائەتۆمیی قەدەغەكراو لەكاتێكدایە كە هەریەك لەڕوسیاو ئەمریكا كشانەوەی خۆیان لەپەیماننامەی موشەكە مەودا كورت و مامناوەندەكان ڕاگەیاندوە..

354 جار خوێندراوەتەوە