هەڵەبجە؛ مەكۆی بزوتنەوەی گۆڕان لە یادی كیمیابارانكردنی شارەكەدا بەیاننامەیەكی بڵاوكردەوە

08:10 - 15/03/2019
کوردستان

مەكۆی هەڵەبجەی بزوتنەوەی گۆڕان رایدەگەیەنێت: دانیشتوانی شاری هەڵەبجە، دوای 31 ساڵ لە كیمیابارانكردنی شارەكە، بەركەوتوانی چەكی كیمیایی چارەسەری تەندروستییان بۆ نەكراوەوە بەدەست ئازارەكانیانەوە دەناڵێنن..

مەكۆی هەڵەبجەی بزوتنەوەی گۆڕان، بەبۆنەی یادی 31 ساڵەی تاوانی كیمیابارانكردنی هەڵەبجەوە، بەیاننامەیكی بڵاوكردەوە و رایگەیاند: دانیشتوانی ئەو شارە، تائێستاش داوای مافە سەرەتاییەكانیان دەكەن و حكومەتیش زۆر خەمسارد بوە بەرامبەر بە شارەكەو برینداران و بەركەوتوانی ئەو کارەساتەش، چارەسەری تەندروستیی پێویستیان بۆ نەکراوە و بەو ئازارەوە پەرێشان و بێچارە ماونەتەوە.

 

دەشڵێت: کەسوکارو خانەوادەی دەیان منداڵی ونبوی ئەم شارە، بە حەسرەتی سۆراغی منداڵە کانیانەوەن و حکومەتی هەرێمیش زۆر خوێن ساردانە سەیری ئەو دۆسیەیە دەکات.

ئاماژە بۆ ئەوەش دەكات: دوای چوار ساڵ لە دەرچوونی بڕیاری بە پارێزگاربوونی، شارەكە هەر قەزایەكەو تەنها پارێزگارو جێگرێكی بۆ زیاد كراوە.

265 جار خوێندراوەتەوە