مێردمنداڵێكی تەمەن 15 ساڵ خۆی دەخنكێنێت و ژنێكیش سوتا و یەكێكی دیكەش خۆی سوتاند

12:47 - 15/03/2019
کوردستان

پشدەر؛ لە شەو ڕۆژێكدا دوو حاڵەتی سوتان و خۆسوتانی ژن تۆمار دەكرێت

مێرمنداڵێكی تەمەن 15 ساڵ لە قەزای رانیە لە رێگەی خۆهەڵواسینەوە خۆی دەخنكێنێت و لە قەزای پشدەریش، ژنێك سوتا و یەكێكی دیكەش خۆی سوتاند.

بەپێی راگەیەندراوێكی بەڕێوەبەرایەتی پۆلیسی راپەڕین، درەنگانێكی شەو تەرمی مێردمنداڵێكی تەمەن 15 ساڵ، كە پیشەی خوێندكارە، گەیەندراوەتە نەخۆشخانەی گشتی رانیە، بە وتەی كەسوكارەكەی بەپەت خۆی هەڵواسیوە.

پۆلیس لە زاری شایەتحاڵەكانەوە دەڵێت: ماڵی ئەو مێردمنداڵە دانیشتوی گوندی بۆسكێنن، بەڵام مێردمنداڵەكە لە ماڵی مامی بووە لە گەڕەكی رەشەمێرگی رانیە، كە خۆی هەڵواسیوە و لێكۆڵینەوەش لە رووداوەكە بەردەوامە.

هاوكات لە ناحیەی هەڵشۆی قەزای پشدەریش بەهۆی گڕگرتنی پەرەمێزی نانكردنەوە بەشێك لە جەستەی ژنێك دەسوتێت و ژنێكی دیكەش لە قەزاكەدا بە هۆكارێكی نادیار ئاگری لە جەستەی خۆی بەرداوە.

1376 جار خوێندراوەتەوە