دهۆك؛ لە دوو رووداوی هاتوچۆدا 12 كەس گیانیان لەدەستدا و برینداربوون

12:31 - 15/03/2019
کوردستان

یەكێك لەو كەسانەی گیانی لەدەستداوە سەرۆكی دەستەی دەستپاكی عێراق بووە

 

 لە دوو رووداوی هاتوچۆدا لە سنوری پارێزگای دهۆك، سێ‌ كەس گیانیان لەدەستداو نۆ كەسی دیكەش برینداربوون، یەكێك لەو كەسانەشی گیانی لەدەستداوە سەرۆكی دەستەی دەستپاكی عێراقە.

پەیامنێری KNN رایگەیاند: درەنگانێكی ئێوارە بەهۆی پێكدادانی نێوان دوو ئۆتۆمبێلەوە لە سەر ڕێگای قەزای شێخان - باعەدرێ‌ لە ئاكامدا ژنن و منداڵێك گیانیان لەدەستداوە و هەشت هاوڵاتی دیكەش برینداربون و كە برینی چەند كەسێكیان سەختە گەیەندراونەتە نەخۆشخانەكانی دهۆك.

هاوكات لە ڕوداوێكی دیكەدا و لە نزیك قەزای ئاكرێ، روداوێكی هاتوچۆ روویداوە و لە ئەنجامی وەرگەڕانی ئۆتۆمبێلێكەوە كەسێك گیانی لەدەستداوە و كەسێكی دیكەش برینداربووە.

وتیشی: ئەو كەسەی گیانی لەدەستداوە تۆفیق جەعفەر، سەرۆكی دەستەی دەستپاكی عێراقە.

356 جار خوێندراوەتەوە