تێریزا مەی بۆ سێیەم جار هەوڵدەدات پەرلەمان قایل بكات بە رێككەوتنەكەی لەگەڵ ئەوروپا

07:27 - 14/03/2019
جیهان

پەرلەمانی بەریتانیا دەنگدەدات لەسەر بژارەی درێژكردنەوەی وادەی جیابوونەوە
سەرۆكی پەرلەمان: حكومەت دەیەوێت وادەی جیابوونەوە لەئەوروپا بۆ سێ‌ مانگ دوابخات


ئەمشەو پەرلەمانتارانی بەریتانیا دەنگدەدەن لەسەر پرۆپۆزەلێك بۆ سازدانی دووەم ریفراندۆم لەسەر جیابونەوەی وڵاتەكەیان لەیەكێتی ئەوروپا‌و دواخستنی جیابوونەوە.

ئەمە یەكەمجارە پرسی سازدانی ریفراندۆمێكی تر لەسەر پرسی جیابونەوەی بەریتانیا دەبێتە ئەجێندای كۆبونەوە ماراسۆنیەكانی وێستمینیستەر لەكاتێكدا دواوادە بۆ جیابوونەوە تەنیا دوو هەفتەی ماوە.

هاوكات تێریزا مەی سەرۆكوەزیرانی بەریتانیاش بەنیازە سێیەم هەوڵی خۆی بدات بۆ قایلكردنی پەرلەمان بە رەشنوسی ئەو رێككەوتننامەیەی لەگەڵا سەرانی ئەوروپا لەبارەی جیابوونەوەی لەندەنەوە لەسەری رێككەوتون.

جۆن بیركۆ، سەرۆكی پەرلەمانی بەریتانیا ئاشكرایكرد، حكومەت لە دانیشتنەكەی ئەمشەوی پەرلەماندا هەوڵدەدات جیابوونەوە لەیەكێتیی ئەوروپا بۆ ماوەی سێ‌ مانگ دوابخات‌و ئەگەر ئەو هەوڵە سەری گرت ئەوا مای هەوڵدەدات لەگەڵا یەكێتی ئەوروپا رێكبكەوێت بۆ درێژكردنەوەی ماوەی دانوستانەكان تا 30ی حوزەیرانی ئەمساڵ لەپێناو پەسەندكردنی رێككەوتننامەیەك دوای ئەوەی شەوی رابوردو، پەرلەمانی بەریتانیا هەمو جیابونەوەیەكی بەبێ‌ رێككەوتون‌و لەهەمو بارودۆخێكدا رەتكردەوە.

311 جار خوێندراوەتەوە