رانیە: ئاماری شوشتنەوەی گورچیلە رووی لە زیادبوون كردووە

07:22 - 14/03/2019
کوردستان

راپەڕین؛ توشبوانی نەخۆشی گورچیلە رووی لە هەڵكشان كردوە

رێكخراوی تەندروستی جیهانی لە ساڵی 2006ەوە رۆژی دووەم پێنجشەممەی مانگی ئازاری هەموو ساڵێكی بە رۆژی جیهانی نەخۆشی گورچیلە دیاریكردووە. بەمەبەستی هوشیاركردنەوەی هاوڵاتییان لەو نەخۆشیە، بەپێی ئامارێكی سەنتەری شوشتنەوەی گورچیلە لە رانیە، ژمارەی ئەو كەسانەی بەدەست كێشە تەندروستییەكانی گورچیلەوە دەناڵێنن لە زیادبوندایە، بەجۆرێك ساڵی ڕابردوو، چوار هەزار و 600 كەس، شتنی گورچیلەیان بۆ ئەنجامدراوە.

ئەو نەخۆشانەی، كە گورچیلەكانیان سست بووە یاخوود زەرعیان بۆ كراوە بەمەبەستی شوشتنەوەی گورچیلەكانیان روو لەسەنتەری گورچلیەی دەستكردی رانیە دەكەن جگە لەقەزای رانیە بەهۆی نەبوونی سەنتەری هاوشێوە لە قەزاكانی دوكان و كۆیە، پشدەر نەخۆشان دێن بۆ ئێرە .

ساڵ بەساڵ ژمارەی ئەو نەخۆشانەی روو لێرە دەكەن زیاد دەكات، تەنها لە ساڵی پاردا 4600 كاری شوشتنەوەی گورچیلە لە سەنتەرەكەدا ئەنجام دراوە، هۆكارەكانی نەخۆشی شەكرە و فشاری خوێن و  زكماكی و بەشێوەیەكی ناراستەوخۆش كەم ئاو خواردنەوە و خواردنی ناڕێك هۆكارن بۆ سست بوون و تووش بوون بەنەخۆشیەكانی گورچیلە. 

بەشێك لەم نەخۆشانە بەهۆی زۆری سەردانیان بۆ ئەم سەنتەرە و  مانەوەیان لەگەڵ یەكتری و كارمەندەكان بۆنەتە هاورێ‌ ئەوان هەفتەی 2 بۆ 3 جار شوشتنەوەی گورچیلەیان بۆ دەكرێت و دەبێت ماوەی چواركاتژمێرلە ژێر ئامیرەكەدا بمێننەوە تا بێزارنەبن هیدفۆنی تایبەتیان بۆ دانراوە...  وێرای بچووكی بیناكە لە سەنتەرەكەدا 12 ئامێری شوشتنەوەی گورچیلە هەیە ئەمەش وایكردووە بەشێك لە نەخۆشەكان لە چاوەڕوانیدا بمێننەوە.

رێكخراوی تەندروستی جیهانی رۆژی پێنج شەمەی هەفتەی دووەمی مانگی ئاداری هەمووسالێكی وەك رۆژی جیهانی، بۆ ئەو كەسانە دیاری كردووە، كە گورچیلەكانیان سستبووە كاری شوشتنەوەی بۆ دەكەن و لە بەشێك لە وڵاتانی جیهان بۆ باشتركردنی تەندروستیان چەند چالاكیەی جۆراجۆر بەڕێوەدەچێت.

327 جار خوێندراوەتەوە