KNN وردەكاری ڕوداوی دزینی پاركەی نەخۆشخانەی شار ئاشكرادەكات

08:07 - 13/03/2019
کوردستان

یەك ملیاردو دوسەدملیۆن دینارە دزراوەكەی نەخۆشخانەی شارە دۆزرایەوە 

KNN وردەكاری ڕوداوی دزینی پارەی موچەی فەرمانبەرنی نەخۆشخانەی شار بڵاودەكاتەو ، بەپێی زانیارییەكان باندەكە نۆكەسە،‌و تەنها حەوت كەسیان دەستگیركراون. شەش كارمەندی نەخۆشخانەی شاریش لەچوارچێوەی لێكۆڵینەوەكانی پۆلیس دەستگیركراون‌و دواتر چواركەسیان ئازادكراون، بەگوێرەی ئەو زانیارییەی دەست KNN ـ، جگە لەسەرۆكی باندەكە‌و شۆفێری یەكێك لەو ئۆتۆمبیلانەی لەدزییەكەدا بەكارهێنراون كەس لەئەندامانی باندەكە شوینی پارەكەی نەزانیوە.


نزیكەی دەكاتژمێر بەسەر ڕوداوی دزینی پارەی موچەی فەرمانبەرانی نەخۆشخانەی شاردا تێپەڕبوو هێزە ئەمنیەكان بەهۆی ئەوەی نەگەیشتن بەهیچ سەرەداوێك بێ ئومێدبوون ناچار دەرنگانێكی شەو لەڕێگەی د.خەسرەو گوڵەوە بڕیاردرا ژوریكی عەمەلیات پێكبهێندرێت لەنێوان هێزە ئەمنیەكاندا داواكرا دژتیرۆریش بیتە ناو ئەو ژورەوە 
لەبەرەبەیانی ڕۆژی چوارشەمەدا بەهۆی ئامێری جیپی ئیسەوە تواندرا لەگەڕەكی قولەرەیسی سلێمانی  توانرا ئەو ئۆتۆمبێلی پاترۆڵەە بدۆزرێتەوە  كە لەدزییەكەدا بەكارهێنرابو.

بەپێی زانیاریەكانی KNN باندەكە لەنۆكەس پێكهاتوون‌و ئێستاتەنها حەوت كەسیان دەستگیركراوون.

 لەگەڵ دەستگیركردنی یەكەم كەسی ئەوباندە سەرەداوی تر بۆ هێزە ئەمنیەكان ئاشكرا دەبێت: بەپێی زانیارییەكانی KNN هێزە ئەمنیەكان تاسەرۆكی باندەكەیان دەستگیر نەكردووە شوێنی پارەكە ئاشكرا نابووە كە بەمش كات دەگاتە  پێنجی بەرەبەیان كە لەنزیك گەڕەكی ڕاپەڕینی شاری سلێمانی دۆزیویانەتەوە.

لەبارەی، چۆنیەتی ڕوداوەكەوە ئەو سەرچاوەیە لەهێزە ئەمنیەكانی سلێمانی بۆ KNN ئاشكرایكرد هێزە ئەمینەكان شەش كەسیان لە كارمەندانی نەخۆشخانەی شار دەسشتگیركرد سێ لەوانە لیژنەی موچەكە بوون یەكێكی ترین شۆفێری مینی پاسەكەبووە بەڵام دوانەكەی تر كارمەندی ناونەخۆشخانەی شاربوون هەر بەپێی زانیاریەكان ئێستا لای هێزە ئەمنیەكان تەنها ئەو دوكارمەندە ماونەتەوە لیژنەكەو شۆفێرەكە ئازادكراون.

KNN زانیاری زیاتر لەبارەی ئاشكرابونی باندەكەوە بڵاودەكاتەوە كە بەپێی زانیارییەكان چیرۆكی خۆشەوستی دوكەس بۆتە هۆی ئاشكرابونی باندەكەوە ئاسانكاری بۆئەنجامدانی تاوانەكەش، بەڵام بەهۆی ئەوەی زیان بەڕوتی لێكۆڵینەوەكان نەگات KNN بەلەبەرچاوگرتنی ئیتكی رۆژنامەوانی ڕەهەندی كۆمەڵایەتی هیچ زانیاییەكی تر لەبارەی ئەو چیرۆكەوە بڵاوناكاتەوە .

ئەوەی جێگەی سەرنجە قسەی بەڕێوەبەری ئاسایشی سلێمانیە كە لەكۆنگرە رۆژ نامەنوسیەكەدا دەڵێت، دەرۆژ بەر لەڕوداوەكە هەمو ئامادەكارییەك ‌و هڵكاریەك بۆ چۆنیەتی ئەنجامدانی تاوانەكەكراوە، بەناڕاستەوخۆش خەڵكی ناونەخۆشخانەكەی تێدایە هاوكاربووە لەپێدانی زیانیاری .

بەپێ زانیارییەكانی KNN ، ئەو كەسەی سەرۆكی باندەكەبووە لەسەر دۆسیەی كوشتن دەسگیركراوە‌و دوای تەواوبونی سزاكەی ئازادكراوە‌و چەند ساڵێك زیندانی بووە هەر لەناو ئەو باندەدا چەند كەسێكی تری تێدایە چەند جارێك دەستگركراون ‌و ئازادكراون.

ئێستاش دوای روداوەكە دەركەوت هەمو ئەو كامێرا چاودێریانەی كەلەشەقامەكانی سلێمانی  بەبەهای دەیان ملیۆن دۆلار داندراوون لەڕوداوێكی وەها دا نەیانتوانی كارئاسانی بۆ دەزگا ئەمینەكان بكەن، لەسەرداوێكی روداوەكە جگە لەتەكنە لۆژیانی جیپی ئێس ‌و ئەو چیرۆكانەی ئاشكرامان كرد هیچ شتێكی تر رێگە نیشاندەری ئاشكرا بونی شوێن پێی تاوانەكە نەبوون.

7556 جار خوێندراوەتەوە