ئێران؛ كوڕێك لە شوێنێكی گشتیدا داوای هاوسەرگیریی لە كچێك دەكات

05:04 - 10/03/2019
هەمەڕەنگ

ئێران؛ پۆلیس كوڕ و كچەكەی دەستگیركرد بەتۆمەتی پێشێلكردنی ئادابی گشتی

 

پۆلیسی ئێران كچ و كوڕێك دەستگیر دەكەن، كە كوڕەكە لە ناوەڕاستی بازاڕدا و بەبەرچاوی هاوڵاتیانەوە داوای هاوسەرگیری لەخۆشەویستەكەی دەكات.

ئەو كچ و كوڕە گەنجە خەڵكی شاری ئەرەكن و كوڕەكە بەبەرچاوی هاوڵاتیانەوە دڵێكی بە گوڵی سور لەسەر زەویەكە دروست كردووە هەر لەو شوێنەدا ئەڵقەیەك دەردێنێت و پێشكەش بەخۆشەویستەكەی دەكات.

داواكەی پەسەند دەكات و باوەش بەكتردا دەكەن، هاوڵاتیانی ئامادەبووش بە چەپڵە پێشوازییان لەم كارەكرد.

بەڵام، دوای چەند كاتژمێرێك لە بڵاوبونەوەی ڤیدیۆی دیمەنەكە لە تۆڕە كۆمەڵایەتیەكان پۆلیسی ئەرەك دوو گەنجەكەیان دەستگیركرد.

مەحمود خەلاجی، جێگری بەڕێوەبەری پۆلیسی ئەرەك ڕایگەیاندوە ئەو شێوازەی ئەو دوگەنجە پێی هەستاون پێچەوانەی ئاداب و رێوڕەسمەكانی شەریعەتی ئیسلامەو ئەوەش دەرئەنجامی كەلتوری بێ بنەمای رۆژئاواییەكانە.

1928 جار خوێندراوەتەوە