سلێمانی؛ كۆمپانیایەك دەست بەسەر موچەی دوو مانگی فەرمانبەرانی ئاوی سلێمانیدا دەگرێت

04:14 - 10/03/2019
هەمەڕەنگ

ئەو كۆمپانیایە پێوەری ئاوی ماڵان دادەنێت و پارەی ئاویش كۆدەكاتەوە

پاش ئەوەی بە گرێبەستێك 40 فەرمانبەری بەڕێوەبەرایەتی ئاوی سلێمانی خراونەتە سەر كۆمپانیایەكی تایبەت بە دانانی پێوەری ئاو و كۆكردنەوەی پارەی ئاوی مانگانە، بەڵام هەتا ئێستا موچە و دەرماڵەی دوو مانگی ڕابردووی ئەو فەرمانبەرانە لەلایەن ئەو كۆمپانیایەوە نەدراوە.

بەوتەی ئەو فەرمانبەرانە كە ئەمڕۆ لەبەردەم بەڕێوەبەرایەتی ئاوی سلێمانی گردبونەوە، بەڕێوەبەرایەتی ئاوی سلێمانی هیچ هەڵوێستێكی ڕونی نیە و ئامادەش نیە فەرمانبەرەكان بگەڕێنێتەوە سەر میلاكی بەڕێوەبەرایەتیەكە.

داواش دەكەن داواكاری گشتی لەسەر ئەو پرسە بێتە دەنگ.

1749 جار خوێندراوەتەوە