ئێران؛ كوڕێك لە شوێنێكی گشتیدا داوای هاوسەرگیری لە كچێك دەكات و لە دواییدا دەستگیردەکرێن

11:51 - 10/03/2019
هەمەڕەنگ

ئێران؛ كچەكە داواكەی پەسەنكرد و ئەڵقەی لە خۆشەویستەكەی وەرگرت
ئێران؛ پۆلیس كوڕ و كچەكەی دەستگیركرد بەتۆمەتی پێشێلكردنی ئادابی گشتی

 
پۆلیسی ئێران كچ و كوڕێك دەستگیردەكەن كەكوڕەكە لەناوەڕاستی بازاڕدا و بەبەرچاوی هاوڵاتیانەوە داوای هاوسەرگیری لەخۆشەویستەكەی دەكات.



ئەو كچ و كوڕە گەنجە خەڵكی شاری ئەرەكن و كوڕەكە بەبەرچاوی هاوڵاتیانەوە دڵێكی بەگوڵی سور لەسەر زەویەكە دروست كردوە و هەر لەو شوێنەدا 
ئەڵقەیەك دەردێنێت و پێشكەش بەخۆشەویستەكەی دەكات.

 

هەر لەوشوێنەدا كچەكە داواكەی پەسەند دەكات و باوەش بەكتردا دەكەن، هاوڵاتیانی ئامادەبووش بە چەپڵە پێشوازییان لەم كارەكرد.

 

بەڵام دوای چەند كاتژمێرێك لە بڵاوبونەوەی ڤیدیۆی دیمەنەكە لە تۆڕە كۆمەڵایەتیەكان پۆلیسی ئەرەك دوگەنجەكەیان دەستگیركرد.

 

مەحمود خەلاجی جێگری بەڕێوەبەری پۆلیسی ئەرەك ڕایگەیاندوە ئەو شێوازەی ئەو دوگەنجە پێی هەستاون پێچەوانەی ئاداب و ڕێوڕەسمەكانی شەریعەتی ئیسلامەو ئەوەش دەرئەنجامی كەلتوری بێ بنەمای ڕۆژئاواییەكانە

9276 جار خوێندراوەتەوە