فەرەنسا؛ لە دوو هەفتەدا نزیكەی 3 هەزار كەس بەهۆی ئەنفلۆنزاوە گیانیان لەدەستداوە

12:42 - 22/02/2019
تەندروستی

وەزارەتی تەندروستی فەرەنسا رایدەگەیەنێت: لە ماوەی دوو هەفتەدا نزیكەی 3 هەزار كەس بەهۆی ئەنفلۆنزاوە گیانیان لەدەستداوە.

وەزارەتی تەندروستی فەرەنسا لە بەیاننامەیەكدا كە رۆژی چوارشەممە بڵاوی كردوەتەوە، رایگەیاندوە: لە ماوەی دوو هەفتەی رابردوودا، نزیكەی 25 كەس لەو وڵاتە، توشی ئەنفلۆنزای (ئێچ سری ئێن توو) بوون‌و سەردانی بەشی فریاكەوتنی نەخۆشخانەكانی وڵاتەكەیان كردوە‌و لەو ژمارەیەیش 4 هەزار‌و 370 كەسیان لە نەخۆشخانەكان هێڵراونەتەوە.

وەزارەتی تەندروستیی فەرەنسا راشیگەیاندوە: لە ماوەی دوو هەفتەی رابردوودا، نزیكەی 2 هەزار‌و 800 كەس لەو نەخۆشانە، بەهۆی ئەنفلۆنزاوەكەوە گیانیان لەدەستداوە‌و زیاتر لە لەسەدا هەشتایان، تەمەنیان لە سەروو 75 ساڵییەوە بووە.

لە ساڵی 2015 دا 18 هەزار كەس لە جیهاندا، بەهۆی ئەنفلۆنزای (ئێچ سری ئێن توو)ەوە  گیانیان لەدەستدا.

1744 جار خوێندراوەتەوە