سلێمانی؛ گەنجێكی تەمەن 29 ساڵ لەماڵی خۆیدا بە پێنج گوللـە كوژرا

07:53 - 21/02/2019
کوردستان

كوژراوەكە بڕیاربوە ئەمڕۆ ئاهەنگی هاوسەرگیری بكات

لە شاری سلێمانی گەنجێكی تەمەن 29 ساڵ، لەماڵەكەیدا بە گوللـە كوژرا كە بەنیازبوە ئەمڕۆ ئاهەنگی هاوسەرگیری بكات.

سەركەوت ئەحمەد، بەڕێوەبەری راگەیاندنی پۆلیسی سلێمانی بە KNNی راگەیاند: روداوەكە لە گەڕەكی شۆڕشی نوێ‌ لە شاری سلێمانی بووە، ئەو گەنجە لە ماڵی خۆیدا كوژراوە و دوای گەیشتنی تیمەكانی بەڵگە و تاوان، كەشف و هێڵكاری بۆ شوێنی رووداوەكە كراوە و دواتر تەرمی گەنجەكە رەوانەی پزیشكی دادی سلێمانی كراوە.

سەركەوت ئەحمەد، ئاشكراشیكرد، گەنجە كوژراوەكە بڕیاربوە هەر ئەمڕۆ ئاهەنگی هاوسەرگیری بكات، بەڵام لە ماڵی خۆیدا بەپێنج گوللـە كۆتایی بە ژیانی هێندراوە و تیمەكانیان لە لێكۆڵینەوەدان بۆ ئاشكراكردنی كەسی پەیوەندیدار بە كوشتنەكەی و هۆكاری كوشتنەكەی.

 

16867 جار خوێندراوەتەوە