ئێران هەڕەشە لە پاكستان دەكات

08:39 - 16/02/2019
عێراق

بەرپرسێكی سەربازیی ئێران، هەڕەشەی كاردانەوەی سەربازیی لە دژی پاكستان دەكات بەهۆی تەقینەوەی پاسێكی سەربازیی لە زاهیدان.

محەمەد عەلی جەعفەری، سەرۆك ئەركانی هێزە چەكدارەكانی سوپای پاسدارانی كۆماری ئیسلامیی ئێران، لەلێدوانێكی رۆژنامەوانیدا رایگەیاند: پاكستان داڵدەی ئەو چەكدارانە دەدات كە هێرشی خۆكوژیی دژی ئێران ئەنجام دەدەن و تارانیش وەڵامی ئەو هێرشانە دەداتەوە.

راشیگەیاند: ئەگەر پاكستان ئەو چەكدارانە سزا نەدات، ئەوا ئێران كاردانەوەی توندی دەبێت لە دژی ئەو گروپانەی لە خاكی پاكستاندا دژی ئێران چالاكی دەكەن.

وتیشی: ئەو كەسانەی بە هێرشی خۆكوژیی پاسێكی چەكدارانی سوپای پاسدارانیان لە پارێزگای سیستان و بلوچستان كردوەتەوە ئامانج و بونەتە هۆی كوژران و برینداربونی 27 سەرباز ‌و چەكداری سوپا، لە خاكی پاكستانەوە پلانەكەیان داڕشتوە.

گروپی جەیشولعدل لە سنوورەكانی پاكستان، بەرپرسیارێتیی خۆی لە تەقینەوەكەی زاهیدان راگەیاند.

1381 جار خوێندراوەتەوە