باكووری كوردستان؛ راوچییەكان لە ئاوی بەستوودا ڕاوە ماسی دەكەن

05:50 - 12/02/2019
کوردستان

ماسیگرانی شارۆچكەی ئاهلات لە پارێزگای بەدلیسی باكوری كوردستان، بەبێ گوێدانە مەترسی لە دەریاچەی نازیك كە لەئێستادا بەستوویەتی، بەردەوامن لە راوەماسی، ماسیگران بەبێ گوێدانە هیچ مەترسیەك لەهەر 100 مەترێكدا كونێك لە چینی بەستووی دەریاچەكە دروست دەكەن و لەرێی ئەو تۆڕانەی بۆ ماوەی چەند رۆژێك دەیخەنە نێو ئاوی دەریاچەكەوە ماسی دەگرن، دواتر لە بازارەكانی شارۆچكەكەدا دەیفرۆشن.

بەهۆی سەرماوسۆڵەی وەرزی زستانەوە دەریاچەی نازیك لە شارۆچكەی ئاهلات لەباكوری كوردستان بە تەواوی بەستوویەتی.

ماسیگرانی گوندەكانی چواردەوری شارۆچكەكەش لەسەر ئاوی بەستووی دەریاچەكە سەرقاڵی راوەماسین، ئەویش لەڕێی كونكردنی توێژی بەستووی سەردەریاچەكە و تێیدا راوی ماسی لە جۆرەكانی كارب، سەرباریك و كۆچاك دەكەن.

ماسیگران بەبێ گوێدانە هیچ مەترسیەك لەهەر 100 مەترێكدا كونێك لە چینی بەستووی دەریاچەكە دروست دەكەن و لەرێی ئەو تۆڕانەی بۆ ماوەی چەند رۆژێك دەیخەنە نێو ئاوی دەریاچەكەوە ماسی دەگرن، دواتر لە بازارەكانی شارۆچكەكەدا دەیفرۆشن.

یەكێك لە ماسیگرەكان بەناوی ئەدیب كۆچەرئۆغڵو ئاماژە بەوە دەكات كە ساڵی پار بەهۆی بەرزی پلەكانی گەرماوە ئاوی دەریاچەكە نەیبەستبوو، بەڵام ئەمساڵ پلەكانی گەرما نزمبوونەتەوە و بەو هۆیەوە ئاوی دەریاچەكە بەستوویەتی. ناوبراو دەڵێت، "دوای بەستی ئاوی دەریاچەكە چەند رۆژێك چاوەڕێ دەكەین تاكو چینی بەستووەكە ئەستوور دەبێت.

دواتر لەهەر ١٠٠ مەترێكدا چینی بەستووی سەر ئاوەكە كون دەكەین و تۆڕەكان لەشێوەی دروومانی لەنێو ئاوەكەدا بەجێ دەهێڵین، دوای چەند رۆژیك چاوەڕوانی یان هەندێكجار هەمان رۆژ دەریدەهێنینەوە.

رێژەی ماسی گرتن بەپێی كاتە، هەندێك جار زۆر و هەندێك جار كەم دەگرین. لەم رێگەیەوە بژێوی ژیانی خۆمان دابین دەكەین.

429 جار خوێندراوەتەوە