ئیتاڵیا؛ خاوەن ئاژەڵەكان دژی هەرزانیی نرخی شیر خۆپیشاندانیان كرد

05:30 - 12/02/2019
جیهان

خاوەن ئاژەڵەكان: پێویستە حكومەتی ئیتاڵیا رێوشوێنی نوێ بۆ نرخی شیر بگرێتەبەر

دژی هەرزانبونی نرخی شیر و نەبونی پلانی نوێی حكومەتی ئیتاڵیا، خاوەن ئاژەڵ و مەروو ماڵاتەكانی ئەو وڵاتە، خۆپیشاندانیان كرد ، بەرهەمی شیرەكەیان بەسەر ئۆتۆمیبَل و شەقامەكاندا دەرێژن و داوادەكەن حكومەت پلانێكی نوێ بۆ ئاژەڵداران دابین بكات.


ئەمە دیمەنی گردبونەوە و نارەزایی خاوەن مەرو ماڵات و ئاژەڵەكانی ئیتاڵیایە كە لەسەر یەكێك لە پردەكانی پایتەخت، كۆبونەتەوە و بەرهەمە شیرەمەنیەكانی خۆیان بەسەر هاوڵاتیان و ئۆتۆمبێلەكاندا دەریِژن وەك نارەزایەتیەك دژی نزمبونەوەی نرخی شیر و نەبونی كڕیار و پلانی دەوڵەت بۆ خاوەن ئاژەڵەكان.

 جوتیارەكان، شیری مەرو ماڵات و مانگا و گامێشەكانیان كۆكردوەتەوە و دەیرێژنە سەر جادەكان، ئەوەش بۆ ئەوەیە كە حكومەتی ئەو وڵاتە رێوشوێنێكی نوێ بگرێتەبەر بۆ ئەوەی بەرهەمە شیرەمەنیەكانی ئەوان نەفەوتێت و بتوانن زیاتر بەرهەم بهێنن.

 جوتیارەكان دەڵێن: ئەمە كاردانەوەی ئەو بێبازاری و بێپلانیەی حكومەتە كە نەیتوانیوە پلانێكی باش بۆ كۆنترۆڵكردن و رێككردنی نرخی شیرەمەنیەكان لە وڵاتدا دابنێت

ئیستا لە ئیتاڵیا نرخی یەك گاڵۆن لە شیری شروشتی، پەنجا یۆرۆیە، ئەمەش بۆ ئاژەڵدارەكان و خاوەن مەروو ماڵاتەكان زۆر كەمەوە و ناتوانن پێداویستیەكانی پێ پربكەنەوە و سەرەرای ئەوەش شیرێكی زۆر بەرهەم هێنراوە و ناتوانرێت لە بازاردا ساغ بكرێتەوە

ئیتاڵیا خاوەنی زیاتر لە ملیۆنێك و 500 هەزار ئاژەڵی شیردار  بەتایبەتی مەڕە كە لە توانایداهەیە شیر هەناردەی دەرەوەی وڵات بكات ـ ئاژەڵدارەكانیش دەڵێن پێویستە حكومەت سیتمێكی نوێی ئاژەڵدای لە وڵاتدا پەیڕەو بكات.

1063 جار خوێندراوەتەوە