ئیسرائیل چەند ناوچەیەكی باشوری خۆرئاوای سوریا تۆپباران دەكات

11:24 - 12/02/2019
جیهان

ئیسرائیل بۆردومانی چەند ناوچەیەكی سەربە پارێزگای قنێترەی باشوری خۆرئاوای سوریا دەكات.

بەپێی هەواڵێكی ئاژانسی هەواڵی فەرمی سوریا سانا، شەوی رابردوو ئیسرائیل تۆپباران بەرزاییەكانی دەرعیا  وخالید ی سەربە پارێزگای قنێترە كردوە.

بەپێی هەواڵەكەی ئاژانسی هەواڵی سانا هاوكات لەگەڵ ئەو بۆردومانەدا  فرۆكەیەكی بی فرۆكەوانی ئیسرائیل ی چوار موشەكی ئاراستەی نەخۆشخانەی پارێزگای قنێترە كردوە، بەڵام هیچ زیانێكی گیانی لێ نەكەتوەتەوە.

ئەو ناوچەیەی كەكراوەتە ئامانج هێزەكانی سەربەحیزبوڵای لوبنانی نەیاری ئیسرائیلی تێدا جێگیركراوە كە لەلایەن ئێرانەوە پاڵپشتی دەكرێن.

لە مانگی رابردوشدا ئیسرائیل چەند بنكەیەكی سەربازی لە باشوری دیمەشقی پایتەختی سوریا بۆردومان كرد كەبەهۆیەوە  21كەس كوژران.

78 جار خوێندراوەتەوە