نەتانیاهۆ: ئەگەر ئێران هێرش بكاتە سەر ئیسرائیل دوایینجارە یادی شۆڕشەكەی دەكاتەوە

09:37 - 12/02/2019
جیهان

سەرۆك وەزیرانی ئیسرائیل وەڵامی هەرەشەكانی ئێرانی دایەوە

بنیامین نەتانیاهۆ، سەۆك وەزیرانی ئیسائیل، وەڵامی فەرماندەی باڵای گشتی سوپای پاسدارانی ئێرانی دایەوە و رایگەیاند: ئەگەر تاران هێرش بكاتە سەر وڵاتەكەی ئەوا كۆتا ساڵە یادی شۆرشی ئیسلامی دەكاتەوە.

بنیامین نەتانیاهۆ، لە لاپەرەی تایبەتی خۆی لە تۆری كۆمەڵایەتی فەیسبووك رایگەیاند: ئەگەر ئێران ئەو هەڵەیە بكات و هێرش بكاتە سەر تەلئەبیب و فەیحا ئەوە دوایین ساڵی دەبێت یادی شۆرشی وڵاتەكەیان بكەنەوە. 

بەبڕوای نەتانیاهۆ، ئێران ئەو توانا سەربازییەی نییە كە هێرش بكاتە سەر وڵاتەكەیان چونكە توانا سەربازییەكانی زۆر روونەو ئیسرائیل لەوە تێگەیشتوە ئێران تەنها هەڕەشە دەكات.

ئەم قسانەی نەتانیاهۆ، لە كاردانەوەی وتەكانی یەدوڵا جوانی، یاریدەدەری فەرماندی سوپای پاسداران دێت كە دوێنێ دووشەممە رایگەیاند: هێرش دەكەنەسەر ئیسرائیل و تەلئەبیب لەسەر نەخشە دەسڕنەوە.

456 جار خوێندراوەتەوە