باندێكی ‌پێنج كەسی ‌بەتۆمەتی‌ بەكارهێنان‌ و بازرگانیكردن‌ بە مادە هۆشبەرەكان دەستگیركران

07:53 - 11/02/2019
کوردستان

پۆلیسی سلێمانی دانپێدانانی ئەو ژنە بڵاودەكاتەوە كە لەلایەن باندەكەوە دەستبەسەر كرابو‌و

پۆلیسی سلێمانی، دەستگیركردنی ‌باندێكی ‌پێنج كەسیی بە تۆمەتی ‌بەكارهێنان‌ و بازرگانییكردن بەمادە هۆشبەرەكانەوە راگەیاند.

نەقیب سەركەوت ئەحمەد وتەبێژی پۆلیس ئاشكرای كرد: دەستگیركردنی ئەو باندە، پاش دیارنەمانی ‌ئافرەتێك بوە لە شاری سلێمانی.

وتیشی‌: ئەو ئافرەتە هاوڕێی ‌یەكێك لە تۆمەتبارەكان بوەو دوای ئەوەی چونەتە باخێك لە ناوچەی پیرەمەگرون، تۆمەتبارەكان رێگەیان نەداوە بێتە دەرەوە، چونكە مادەی هۆشبەریان پێ بوەو ترسیان هەبوە ژنەكە ‌ئاشكرایان بكات.

نەقیب سەركەوت وتیشی: لەلایەن هێزەكانی ‌پۆلیسی ‌سلێمانییەوە، چوار تۆمەتبار دەستگیركراون و دوای ‌پشكنینی باخەكەش، توانراوە دەست بگیرێت بەسەر بڕی ‌نیو كیلۆگرام مادەی ‌هۆشبەردا.

وتیشی: لە چەند رۆژی ‌رابردوودا توانراوە 10 تۆمەتبار دەستگیر بكرێن بە تۆمەتی ‌تەقەكردن ‌و دروستكردنی ‌شەڕو پشێویی‌.


2298 جار خوێندراوەتەوە