سوارێز هۆكاری دیارنەبونی مێسی لەیارییەكەی بلباو ئاشكرادەكات

11:23 - 11/02/2019
وەرزش

دوای ئەوەی لەیاری شەوی رابردوو لە خولی ئیسپانیا، یانەی بەرشەلۆنە بەرامبەر بلباو كەوتە داوی یەكسان بونەوە، لویس سوارێز لەبارەی دیارنەبونی مێسی لە یارییەكەدا دەڵێت، مێسی 100% ئامادەیە بۆ یاری، بەڵام لە یارییەكەی بلباو یاریزانانی ئەو یانەیە چەندین جار بۆ راگرتنی مێسی فاوڵیان لێدەگرت، ئەوەش هۆكار بو بۆ ئەوەی مێسی دیار نەبێت..

لەبارەی تیرشتیگنی گۆڵچی بەرشەلۆنەشەوە كە رۆڵێكی بەرچاوی هەبوو لەوەی بەرشەلۆنە شەوی رابردوو گۆڵی لێنەكرێت، سوارێز وتی، شتیگن زۆر باش دەركەوت، هەر بۆیە شتیگن یەكێك لە باشترین گۆڵچیەكانی جیهانە، ئەو جارێكی تر گرنگی خۆی لە یاریگادا دەرخست.

لە خولی ئیسپانیا، سەرەڕای یەكسانبونی یارییەكەی شەوی رابردوو بەرامبەر بلباو، بەرشەلۆنە لە پلەی یەكەمی ریزبەندیدا مایەوە و بەجیاوازی شەش خاڵ لەپێش یانەی ریاڵ مەدریدی ركابەرە مێژوییەكەوەیەتی.

2533 جار خوێندراوەتەوە