بەپەلە

وەزیری ئیتڵاعاتی ئێران دەستگیركردنی 7 داعش ڕادەگەیێنێت

09:03 - 11/02/2019
جیهان

وەزیری ئیتڵاعاتی ئێران دەستگیركردنی 7 تۆمەتبار ڕادەگەیێنێت كە پەیوەندییان بەداعشەوە هەبوە.

ئاژانسی هەواڵی ئیرنا لەزاری مەحمود عەلەوی وەزیری ئیتڵاعات بڵاوی كردەوە، وەزارەتەكەی بەوپەڕی هێزوتوانایەوە ڕوبەڕوی دوژمنان و تێرۆریستان دەبێتەوە.

وتیشی، چەند ڕۆژێك لەمەوبەر 7كەسیان دەستگیركردوە كە پەیوەندییان بەگروپی تێرۆریستی داعشەوە هەبوەو پیلانی جێبەجێكردنی چەند كردەوەیەكی تێرۆریستییان داڕشتوە، بەڵام بەرلەوەی جێبەجێی بكەن دەستگیركراون.

لێدوانەكەی مەحمود عەلەوی لەمیانی بەسەركردنەوەی پێشانگای توانا موشەكی  و سەربازییەكانی ئێراندابو، بەڵام سەبارەت بەشوێنی دەستگیركردنی تۆمەتبارەكان و ئەو شوێنەی كە ویستویانە بیكەنە ئامانج هیچ ڕونكردنەوەیەكی نەدا.

140 جار خوێندراوەتەوە