منداڵانی موسڵ لەژێر مەترسیی پاشماوەی جەنگ‌و داروپەردوە رووخاوەكاندان

12:29 - 10/02/2019
عێراق

ماڵپەڕی میدڵ ئیست: منداڵان بە پارەیەكی كەم ئاسن كۆدەكەنەوە 

 

 منداڵانی موسڵ لە نزیك بینا و خانوە روخاوەكانی ناوچەی موسڵی كۆن و بەنێو تەرمی ژێر داروپەردوە رووخاوەكان و مەترسیی بۆمب‌و پاشماوەی تەقەمەنیەكانی جەنگ، بەرامبەر بە پارەیەكی كەم، لە هەوڵی كۆكردنەوەی ئاسن و پاشماوەدان..  

بەپێی راپۆرتێكی ماڵپەڕی میدڵ ئیست-ی بەریتانی, چەندین منداڵ كە تەمەنیان لەنێوان نۆ تا 14 ساڵ دەبێت، بە رۆژانەی پێنج هەزار دینار لەنێو خانوە رووخاوەكاندا، دەگەڕێن و ئاسن كۆك دەكەنەوە. 

منداڵەكان دەڵێن: ئەگەر 100 كیلۆ ئاسن و پارچە سكراب كۆ بكەنەوە، ئەوا دەیدەن بە كەسێكی دیكەو ئەو كات پارەی رۆژانەكەیان وەردەگرن. 

منداڵەكان خۆیان دەڵێن: ئەو كارەیان مەترسیی تیادایە، چونكە هێشتا چەندین تەرم ‌و بۆمب و پاشماوەی تەقەمەنیی لەژێر داروپەردووی خانوە رووخاوەكاندان. 

یەكێك لەو منداڵانە بەو سەرچاوەیەی راگەیاندوە, هەفتەی رابردوو بەهۆی تەقینەوەی بۆمبێكەوە، براكەی لەدەست داوە.

149 جار خوێندراوەتەوە