تەکساس؛ پۆلیس خەونی منداڵێکی توشبوو بە نەخۆشی شێرپەنجە دەهێنێتە دی

09:41 - 10/02/2019
هەمەڕەنگ

بەڕێوەبەرایەتی پۆلیسی شاری فریپۆرت لە تەکساس، خەونی منداڵێکی توشبوو بە نەخۆشی شێرپەنجە دەهێنێتە دی.

 

ئەبیگیل ئەریاسی تەمەن 6 ساڵ، توشبوی نەخۆشی شێرپەنجەی سییەکانە و خەونی ئەوە بوە کە ببێت بە ئەفسەری پۆلیس و خزمەت بە وڵاتەکەی بکات.

 

لەمەوە بەڕێوەبەرایەتی پۆلیسی شاری فریپۆرت، لەپێناو هێنانە دی خەونی ئەبیگیل و کەمبوونەوەی بەشێک لە ئازارەکەی، دەیکەنە ئەفسەری پۆلیس.

 

وەک لە گرتە ڤیدیۆکەدا دیارە، ئەبیگیل جلوبەرگی فەرمی پۆلیسی پۆشیوەو دەستی راستی بەرزکردۆتەوەو بەڵێن دەدات کە هاوکاری خەڵک بکات و هەمیشە لەریزەکانی پۆلیسدا بێت.

 

ئەبیگیل دەشڵێت " زۆر دڵخۆشم بەهێنانی دی خەونەکەم و بوونم بە بچوکترین ئەفسەری پۆلیس لە وڵاتەکەم و لە جیهاندا "

2366 جار خوێندراوەتەوە