هەموو عاشقانی تۆپی پێ‌ چاوەڕوانی یاری كلاسیكۆی جیهان لەنێوان یانەی بەرشەلۆنە و ریاڵ مەدرید دەكەن لە یاری رۆیشتنی جامی شاى ئیسپانیا..
ئەمانە ژمارەیەك لە ئامارەكانن لەبارەی كلاسیكۆی ئیسپانیاوە:

یەكەم: ئەمە كلاسیكۆی 39 یەمینە لەو كاتەوەی پێرێز سەرۆكی ریاڵ مەدریدە، تێیدا مەدرید 14 بردنەوە و بەرشەلۆنە 19 بردنەوە و 13 یاریش بە یەكسان بون كۆتایی هاتوە.

 

دووەم: سێرجۆ رامۆس 5 جار كارتی سوری لە یاریكردن بەرامبەر بەرشەلۆنە وەرگرتوە.

 

سێیەم: كیلۆر ناڤاسی گۆڵچی ریاڵ مەدرید لە كلاسیكۆدا و لە یاریگای بەرشەلۆنەدا دۆرانی بەخۆیەوە نەبینیوە و لە 12 كلاسیۆك بەشداریكردوە و 11 گۆڵی لێكراوە.

چوارەم: 14 ساڵە یاری كلاسیۆك بە بێ‌ گۆڵ كۆتایی نەهاتوە.

 

پێنجەم: 10 ساڵە ریاڵ مەدرید نەیتوانیوە لە یاری كلاسیكۆدا گۆڵەكەی بە خاوێنی بهێڵێتەوە.

 

شەشەم: بەرشەلۆنە 28 كلاسیكۆیە لەسەریەك گۆڵ تۆماردەكات.

 

حەوتەم: سێرجۆ رامۆس زۆرترین كلاسیكۆی دۆراندوە كە 18 جار بوە.

هەشتەم: هەردوو یانە 239 جار روبەروی یەكتر بونەتەوە و ریاڵ مەدرید 95 یاری بردۆتەوە، لەبەرامبەردا بەرشەلۆنە 94 یاری بردۆتەوە و لە 50 یاریشدا یەكسان بون.

 

نۆیەم: ریاڵ مەدرید لەسەرجەم پاڵەوانێتیەكاندا 402 گۆڵی لە بەرشەلۆنە كردوە، بەرشەلۆنە ی391 گۆڵی لە ریاڵ مەدرید كردوە.

دەیەم: مێسی خاوەنی زۆرترین هاتریكە لە كلاسیكۆدا كە دوو جارە.

 

یانزەیەم: مێسی بەشداری 38 كلاسیكۆی كردوە و لە 17 یاندا براوە بوە و 12 جار یانەكەی دۆراوە و 9 یاریش بە یەكسانبون كۆتایی هاتوە.

دوانزەیەم: كەریم بەنزیمە و لویس سوارێز هەریەكەیان خاوەنی 9 گۆڵن لە كلاسیكۆدا.

 

سیانزەهەم: مێسی 9 كلاسیكۆیە لەسەر یەك گۆڵ تۆمار دەكات ئەگەر ئەمشەو گۆڵ تۆماركات ژمارەی پێیوانەیی یەكسان دەكاتەوە كە 10 جار بوە.

 

چواردەهەم: ئەگەر گارس بێل لە كلاسیكۆ گۆڵ بكات، ژمارەی گۆڵەكانی لەگەڵ ریاڵ مەدرید دەبێتە 100 گۆڵ، كە تەنها 20 یاریزان بەدرێژایی مێژوی ریاڵ خاوەنی 100 گۆڵ و زیاترن.

 

پانزەهەم: سۆلاری راهێنەری ریاڵ مەدرید، وەك یاریزان بەشداری هەشت كلاسیكۆی كردوە و سێ‌ جار براوە و سێجار یەكسان و دووجاریش دۆراوە.

 

شانزەهەم: تائێستا مێسی لە جامی شای ئیسپانیا لە كلاسیكۆ گۆڵی تۆمار نەكردوە، ئەوەش بوە بە گرێكوێرە بۆ ئەو ئەستێرەیەی تۆپی پێ‌.

741 جار خوێندراوەتەوە