به‌ وێنه‌؛ له‌ باكووری كوردستان هەزاران باڵندە بە ئاسمانی ماردینەوە پێكەوە دەفڕن

11:36 - 06/02/2019
هەمەڕەنگ

فڕینی هەزاران باڵندە پێكەوە بە ئاسمانی ناوچە دەشتاییەكانی ماردینی باكووری كوردستاندا، دیمەنێكی سەرنجڕاكێشی دروست كرد، كە بە سەمای باڵندەكان دەناسرێت.

 

باڵندەكان پێكەوە لە كاتەكانی بەیانیدا ‌و بەسەر ئاسمانی دەشتی بە گەنم چێنراوی و ناوچەی دەشتاییەكانی ماردینی باكوری كوردستاندا، بە یەكەوە و لە یەك كاتدا فرین و سەمایان كرد، ئەوەیش دیمەنێكی جوانی دروست كرد.

شێوازی جوڵەی چۆلەكەكان بەجۆرێكە ناو بەناو جیادەبنەوە و یەكدەگرنەوە و بە یەكجار لەو دەشتەی بە گەنم چێنراوە دەنیشنەوە و هەڵدەفڕنەوە ئەوەش بوەتە جێگای سەرنجی هاوڵاتییان و بینەرانی ئەو دیمەنە سروشتییەی كۆمەڵە باڵندەكان.

214 جار خوێندراوەتەوە