بەپەلە

خولی پلە دوو: چەمچەماڵ لە بەختیاری بردەوە

10:11 - 06/02/2019
وەرزش

یانەی چەمچەماڵ لە یاریگای خۆیدا بە دوو گۆڵ بەرامبەر بە گۆڵێك لە یانەی بەختیاریی بردەوە.


لە بەردەوامی یارییەكانی خولی یانە پلە دوەكانی كوردستان، یانەی چەمچەماڵ لەبەردەم هاندەرانیدا میوانداری یانەی بەختیاری كرد.


لە تایمی یەكەمدا یاریزانانی بەختیاری بە ئاستێكی بەرزەوە دەركەوتن‌و توانیان لەسەرەتای ئەو تایمە گۆڵێك لە ڕێگەی گۆران نەجمەدینەوە تۆمار بكەن.


دواتر چەمچەماڵ هەوڵی زۆریدا گۆڵی بەرامبەر تۆمار بكاتەوە، بەڵام نەگەیشتە گۆڵی ركابەرەكەی‌و ئەو تایمە بە پێشكەوتنی بەختیاری بەو تاكە گۆڵە كۆتاییهات.


لە تایمی دوەمدا، هەرێم بورهانی راهێنەر چەند گۆڕانكارییەكی لە پێكهاتەی چەمچەماڵ ئەنجامدا‌و بەو هۆیەوە دوو گۆڵیان لە ڕێگەی زریان ئەشرەف‌و ئەژی محەمەدەوە تۆماركرد.


یارییەكەش بە سەركەوتنی چەمچەماڵ بە دوو گۆڵ بەرامبەر بە گۆڵێك كۆتاییهات‌و یەكەم سێ خاڵی خولەكەی بەدەستهێنا.


پەیامنێری KNN لە چەمچەماڵەوە رایگەیاند, كە سەرپەرشتیاری یارییەكە بە شێوەیەكی خراپ مامەڵەی لەگەڵ میدیاكاران‌و وێنەگرەكان كردوە‌و رێگەی پێنەداون لە ناو یاریگاوە وێنە بگرن، تەنانەت هەڕەشەی راگرتنی یارییەكەشی كردووە.

126 جار خوێندراوەتەوە