هەرێم: پێنج هەزار و 658 كەس تووشی شێرپەنجە بوون

04:01 - 04/02/2019
تەندروستی

رێژەی توشبوون بە شێرپەنجە لە ژناندا زیاترە لە پیاوان

ساڵی رابردوو لە هەرێمی كوردستان ڕێژەی تووشبون بەنەخۆشی شێرپەنجە بەراورد بە 2017 زیادیكردوە.

وەزارەتی تەندروستی حكومەتی هەرێمی كوردستان، بەبۆنەی رۆژی جیهانی شێرپەنجەوە ئاماری توشبوانی نەخۆشیەكەی بۆ ساڵی 2018ی بڵاوكردەوە، بەپێی ئامارەكە پێنج هەزار و 658 حاڵەتی نوێ‌ تۆماركراوە، ئەمەش بە بەراورد بەساڵی 2017 زیادیكردوە لەو ساڵەدا چوار هەزار‌و 991 حاڵەت بووە.

بەپێی ئامارەكە، رێژەی توشبوان بە نەخۆشی شێرپەنجە لە ژناندا زیاتر وەك لە پیاوان، شێرپەنجەی مەمك و سییەكان لە پێشەوەی هەموو جۆرەكانی شێرپەنجەوە دێن، كە هۆكارەكەی دەگەڕێتەوە بۆ جگەرەكێشان و خواردنەوەی كحلوییەكان و قەڵەوی و وەزرش نەكردن و پیسبونی ژینگە.

چواری شوباتی هەموو ساڵێك رۆژی جیهانی نەخۆشی شێرپەنجەیە و بەپێی ئامارەكانی رێكخراوی تەندروستی جیهانی، ساڵانە زیاتر لە 8 ملیۆن كەس توشی ئەم نەخۆشیە دەبن.

240 جار خوێندراوەتەوە