كەربەلا؛ ڕۆماننووسێكی عێراقی تیرۆر كرا

09:31 - 03/02/2019
هەمەڕەنگ

لەشاری كەربەلای باشووری عێراق، ڕۆماننووس عەلا مەشدوب لە هێرشێكی چەكداریدا كوژرا.

بەپێی سەرچاوە ئەمنییەكانی شاری كەربەلا، ڕۆماننوس و چالاكی مەدەنی، عەلا مەشدوب لەبەردەم ماڵەكەی خۆیدا، بە دەستڕێژی چەكدارانی نەناسراو، تیرۆر كراوە.

دەزگا ئەمنییەكانی كەربەلا، دەستیان بە لێكۆڵینەوە كردوە لە رووداوەكە، بەڵام تائێستا هیچ زانیارییەكی ئەوتۆیان لەبارەی رووداوەكەوە ئاشكرا نەكردوە.

مەشدوب، كەسێكی شیعە مەزهەب بوە و نووسینەكانی زیاتر ڕەخنەیی بوون لە بەرپرسانی باڵای مەزهەبی شیعە.

لەئێستاشدا شەپۆلێكی توندی ناڕەزایی لەشەقامی عێراقی دروستبوەو داوا دەكەن بكوژانی ئەو نوسەرو روماننوسە ئاشكرا بكرێن.

399 جار خوێندراوەتەوە