دوای راپۆرتێكی KNN كۆمپانیای قەیوان خانوەیەكی بۆ پێشمەرگەیەك دابینكرد

04:45 - 29/01/2019
کوردستان

گروپی كۆمپانیاكانی قەیوان خانویەكی بۆ ئەو پێشمەرگەیە دابینكرد، كە بەهۆی باران ‌و لافاوەوە بەشێكی خانوەكەی داڕمابوو.

دوای بڵاوبونەوەی راپۆرتێك لە سەر ژیانی ئەو پێشمەرگەیەی كە لە گەڕەكی مەڵكەندی سلێمانی لەخانویەكی كۆندا دەژیا‌و  بەهۆی كۆنی خانوەكەوە باران هەمو, جارێك بەشێك لەخانوەكەی دەڕوخاند، گروپی كۆمپانیاكانی قەیوان لە رێگەی KNN پەیوەندی كرد بەو پێشمەگەیەوە‌و خانویەكی لەگەرەكێكی تری سلێمانی بۆ دابینكرد.

بەڕێوەبەری جێبەجێكاری كۆمپانیای قەیوان دەڵێت: خانوەكە هێشتا تەواونەبوەو تا ئەوكاتەی تەواو دەبێت بۆماوەی چەند مانگێك خانویەكی تری بۆدابین دەكەن‌و دوای تەواو بونی خانوەكە دەبەخشرێتە ئەو خێزانەو لەسەریان تاپۆی دەكەن كەنرخەكەی نزیكەی شەست هەزار دۆلارە.

ئەو پیشمەرگەیە كە حەوت منداڵی هەیە، بەهۆی خراپی دۆخی ژیانیەوە، كرێی یەك ساڵ‌و چەند مانگێكی ئەو خانوەشی نەدابوو كە بەهۆی بارانەوە بەشێكی داڕما.

32265 جار خوێندراوەتەوە