بەغداد: دەستدرێژی سێكسی دەكرێتە سەر كچێكی تەمەن 13 ساڵ

05:59 - 21/01/2019
هەمەڕەنگ

بەرێوبەرایەتی پۆلیسی بەغداد دەستگیركردنی تاوانبارێك رادەگەیەنێت، كە دەستدرێژی سێكسی كردووەتە سەر كچێكی تەمەن 13 ساڵ.

بەرێوبەرایەتی پۆلیسی فریاكەوتنی بەغداد لە راگەیەندراوێكدا ئاشكرای كرد، تاوانبارێك دەستگیركراوە كە دەستدرێژی سێكسی كردووەتە سەر مێردمنداڵێكی تەمەن 13 ساڵان.

بەپێی راگەیەندراوەكە ئەو تاوانبارە دەستدرێژی كردووەتە سەر كچێكی تەمەن 13 ساڵان و دواتریش ئەشكەنجەی داوە، دوای ئەوەی لەلایەن كەسوكاری منداڵەكەوە سكاڵا تۆمەركراوە و بە هاوكاری باوكی مێردمنداڵەكە شوێنەكەی دەستنیشانكراوە و دواتر دەستگیركراوە.

دۆسێی دەستدرێژی سێكسی بۆ سەر منداڵان و مێردمنداڵان یەكێكە لەو دۆسێیانەی لە چەند ساڵی رابردوودا لە ناوچە جیاوازەكانی عێراق تۆماركراون و لە ساڵانی رابردووشدا كەسێك بەهۆی ئەو تاوانەوە بەشێوەی ئاشكرا لەسێدارەدرا.

12680 جار خوێندراوەتەوە