بەریتانیا؛ ئەو سێ‌ گەنجە كوردەی دوكانەكەیان سوتاند بە زیندانی هەتا هەتایی سزادران

08:10 - 18/01/2019
کوردستان

بەریتانیا؛ بەهۆی سوتاندنی دوكانەكەیان 5 كەس گیانیان لەدەستدا
بەریتانیا؛ ئەو گەنجانە دوكانەكەیان سوتان تەنها بۆ بەدەستهێنانی 300 هەزار یۆرۆ 

 
ئەو سێ‌ گەنجە كوردەی لە وڵاتی بەریتانیا بە ئەنقەست دوكانەكەیان سوتاند و بەهۆیەوە پێنج كەس گیانیان لەدەستدا، لەلایەن دادگایەكی ئەو وڵاتەوە سزای زیندانی هەتا هەتاییان بەسەردا سەپێنرا.

ئەو سێ‌ گەنجە كە ناوییان، ئارام كورد و هاوكاری حەسەن و ئەركان عەلی بوو، خەڵكی باشوری كوردستانن، رۆژی 25 ی شوباتی ساڵی 2018 بەئەنقەست دوكانەكەیان سوتاند، ئامانج لەوكارەش بەدەستهێنانی 300 هەزار یۆرۆ بوو كە حكومەتی ئەو وڵاتە دەیداتە ئەو كەسانەی كە بەهۆكاری روداوێكی ئاگركەوتنەوە یان هۆكاری تر زیانیان بەردەكەوێت.

هەر بەهۆی سوتانی ئەو دووكانەوە پێنج كەس گیانیان لەدەستدا، كە سیانیان دایكێك و دوو كوڕەكەی بون، كە تەمەنی كوڕەكانی 17 ساڵ و 18 ساڵ بوو.

 

 

هاوسەری ژنەكەش كە ئێستا هاوسەرەكەی و دوو كوڕی لەدەستداوە بە دادوەرەكەی وتوە، لەگەڵ خێزانەكەی هاتون بۆ بەریتانیا بۆ ژیانێكی باشتر، هەمویان خەونی گەورەیان هەبو، بەڵام بەتەواوی لەناوچون، كە شایەنی ئەوە نەبون كە بەسەریان هات.

21333 جار خوێندراوەتەوە