كەنەدا مافی پەنابەرێتیی بەو كچە سعودیەدا كە لە دەست خێزانەكەی رایكردبوو

12:53 - 12/01/2019
جیهان

  كەنەدا مافی پەنابەرێتیی بەو كچە سعودیە تەمەن 18 ساڵەدا كە لەدەست خێزانەكەی رایكردبوو بەرەو تایلەند.

جۆستن ترۆدۆ، سەرۆك وەزیرانی كەنەدا رایگەیاند, كۆمسیۆنی باڵای پەنابەرانی سەر بەنەتەوەیەكگرتوەكان داوای لێكردون مافی پەنابەرێتی بدەنە ئەو كچە سعودیە.

وتیشی, لەتێڕوانین و پشتیوانیی وڵاتەكەی بۆ مافەكانی مرۆڤ ئەو داوایەی نەتەوەیەكگرتوەكانیان قبوڵ كردوە. 

پێدەچێت ئەو هەنگاوە، پەیوەندییەكانی سعودیەو كەنەدا ئاڵۆزتر بكات، كە بەهۆی رەخنەی توندی كەنەدا لەدەسەڵاتدارانی سعودیە لەپرسی دەستبەسەركردنی چەند ژنە چالاكوانێكی سعودی، تێكچو بوو.

 

شەممەی رابردوو كچێكی سعودی بەناوی رەهف محەمەد قەنون لەكوەیتەوە گەیشتە تایلەندو رایگەیاند, ژیانی لەمەترسیدایەو داوایكرد نەیگەڕێننەوە بۆ وڵاتەكەی چونكە ژیانی لەمەترسیدایە. 

سەرەتا حكومەتی تایلەند ویستی بیگەڕێنێتەوە، بەڵام لەژێر گوشاری تۆڕە كۆمەڵایەتیەكان و رێكخراوەكانی مافی مرۆڤ لەبڕیارەكە پەشیمانبووە.  

2446 جار خوێندراوەتەوە