كۆریای باشوور بلیتی قۆناغی 16ی بڕی

10:12 - 12/01/2019
وەرزش

هەڵبژاردەی كۆریای باشوور بە بردنەوەی لە هەڵبژاردەی قیرغیزستان بلیتی قۆناغی 16ی جامی ئاسیای بڕی.


لە دووەم یاریی خۆی لە قۆناغی كۆمەڵەكانی جامی ئاسیادا، هەڵبژاردەی كۆریای باشوور بەرامبەر هەڵبژاردەی قیرغیزستان یاریكرد.


كۆریای باشوور 4 خولەك پێش كۆتایی هاتنی تایمی یەكەم گۆڵێكی لەرێگەی مەنجای كیمەوە تۆماركرد، تایمی یەكەم بە پێشكەوتنی كۆرییەكان كۆتایی هات.


لەتایمی دووەمدا ئاستی یارییەكە هاوسەنگی بەخۆیەوە بینی و لەو تایمەدا هیچ لایەك نەیتوانی گۆڵ تۆماربكات، یارییەكەش بە هەمان ئەنجامی تایمی یەكەم و بە گۆڵێكی بێ‌ بەرامبەر بەسودی هەڵبژاردەی كۆریای باشوور كۆتایی هات.


بەو بردنەوەیەش كۆریای باشوور بە كۆكردنەوەی 6 خاڵ بلیتی قۆناغی 16ی جامەكەی بڕی.

132 جار خوێندراوەتەوە