توركیا بەردەوامە لە دوورخستنەوەی گولەنیەكان لە ڕیزی سوپا

06:54 - 11/01/2019
جیهان

دادگای توركیا بڕیاری دوورخستنەوەی 58 سەربازی تری لەنێو ڕیزەكانی سوپای وڵاتەكەی دەركردو لە ئۆپراسیۆنێكیشدا ژمارەیەكیشیان دەستگیركران.

لە لێكۆڵینەوەی سەرۆكایەتیی داواكاری گشتیی كۆماریی ئیستانبوڵ و ئادانا، فەرمانی دەستگیركردن بۆ 58 كەس لەنێو ڕیزەكانی سوپا دەركراو لە ئۆپراسیۆنێكیشدا ژمارەیەكیان لە 30 شاری توركیا دەستگیر كران.

لە 29ی تشرینی دووەمی 2017ەوە تا ئێستا بەتۆمەی پەیوەندییان بە هەوڵە كودەتا سەربازییەكەوە یان ئەندامبوون لە پارتی خزمەت كە فەتحوڵا گویلەن ڕێبەرایەتی دەكات، 222 سەرباز تائێستا هەڵهاتوون، 362 گومانلێكراو بە سوودمەندبوون لە یاسای پەشیمان بوونەوەی كاریگەر ئازاد كراون، 835 سەربازیش دەستگیر كراون.

196 جار خوێندراوەتەوە