بەهۆی مانگرتنەوە پەرلەمانتارێكی هەدەپە ژیانی لە مەترسیدایە

06:45 - 11/01/2019
کوردستان

زیاتر لە دوو مانگە پەرلەمانتارێكی هەدەپە، لە زیندانەكانی توركیادا مانی لە خواردن گرتووە، بەوهۆیەوە ژیانی لەمەترسیدایە.

سەرچاوەكانی باكوری كوردستان بڵاویانكردەوە، ماوەی زیاتر لە ٦٥ڕۆژە لەیلا گوڤەن، پەرلەمانتاری هەدەپە، مانی لەخواردن گرتووە، بەو هۆیەوە باری تەندروستی تێكچووە و نەیتوانیوە دیدار لەگەڵ پارێزەرەكەی ئەنجامبدات.

ئاماژەیان بەوەشكردوە، ئەو پەرلەمانتارە لەئێستادا ناتوانێت هاتوچۆ بكات و زیاتر لە ١٥ كیلۆ لە كێشی جەستەی لە دەستداوە و بەردەوامە لە مانگرتن.

لەیلا گۆڤەن، پەرلەمانتاری هەدەپە بەهۆی ڕەخنەگرتنی لە هێرشی توركیا بۆ سەر عەفرین لە مانگی شوباتی ساڵی  ڕابردوو لە لایەن هێزە ئەمنییەكان توركیاوە دەستگیركرا و لە ڕۆژی ٨ی مانگی تشرینی دووەمی ساڵی رابردووشەوە دەستی بە مانگرتن كردووە.

260 جار خوێندراوەتەوە