مەخمور؛ فڕۆكەكانی هاوپەیمانیان چەكدارانی داعشیان لە چیای قەرەچوغ بۆردومان كرد

12:16 - 11/01/2019
کوردستان

فرۆكەكانی هاوپەیمانان چەكدارانی داعش لە زنجیرە چیای قەرەچوغ بۆردومان دەكەن و تا ئێستاش ژمارەی كوژراوانی ئەو چەكدارانە چەندە.

پەیامنێری KNN رایگەیاند: بەپێی ئەو زانیارییانەی، كە لە فەرماندەیەكی پێشمەرگەوە دەستیان كەوتووە، لە درەنگانێكی ئێوارەدا فڕۆكە جەنگیەكانی هاوپەیمانان چەكدارانی داعشیان لە زنجیرە چیاكانی قەرەچوغی نزیك قەزای مەخموریان بە چڕی بۆردومان كردوە، بەڵام بەهۆی ئەوەی شوێنی خۆ حەشاردانی ئەو چەكدارانە نادیارە و گەیشتن بەو چیایەش ئەستەمە تا ئێستا ژمارەی كوژراوانی داعش نەزانراوە.

پێشتر وا بڵاوكرایەوە، كە چەكدارانی داعش لە سنورەكانی قەزای مەخمور و ناحیەی قەراج زنجیرە چیای قەرەجوغ، لە كاتەكانی شەواندا دەچونە ناو گوندەكان و داوای خۆراك و پێداویستییان لە گوندنشینان دەكرد، تا ئێستاش دوو هاوڵاتییان لەو گوندانە رفاندوە و دواتر تەرمەكانیان بە كوژراوی لە سنورەكەدا دۆزرانەوە.

242 جار خوێندراوەتەوە