هەنار چارەسەری زەهایمەر و پاركنسۆن دەكات

09:05 - 05/01/2019
تەندروستی

چەند پسپۆڕێكی بەریتانی توێژینەوەیەكیان لەسەر سودەكانی هەنار ئەنجامداوە و بۆیان دەركەوتووە خواردنی ئەو میوەیە دەبێت هۆی چارەسەركردنی نەخۆشییەكانی زەهایمەر و پاركنسۆن.

بەپێی ئەنجامی توێژینەوەیەك كە چەند پسپۆڕێكی زانكۆی هادرسفیڵد لە بەریتانیا ئەنجامیانداوە، دەركەوتووە توێكڵی هەنار ماددەی بۆنكالاگین لە پێكهاتەكەیدایە كە دەبێتە هۆی ڕێگری كردن لە ئەگەری توشبون بە نەخۆشی زەهایمەر و پاركنسۆن.

توێژەرەكان ئاماژە بەوە دەكەن كە ماددەی بۆنكالاگین دەبێتە هۆی ڕێگری كردن لە هەوكردنی ئەو خانانەی مێشك كە هۆكاری توشبونن بە زەهایمەر و پاركنسۆن.

سەبارەت بە چاكبونەوەی ئەو كەسانەی ئەو دوو نەخۆشییەیان هەیە، سەرپەرشتیاری توێژینەوەكە ئاماژە بەوە دەكات كە هەنار نابێتە هۆی چاكبونەوەی ئەو كەسانە بەڵام نەخۆشییەكەیان لەئاستێكدا ڕادەگەڕێت و ڕێگری دەكات لەوەی تەندروستیان بەرە و خراپتر بچێت.

1224 جار خوێندراوەتەوە