سەرۆكی پێشوی فەرەنسا: كوردانی ڕۆژئاوا قوربانیەكی زۆریان لەبەرامبەر تیرۆریستاندا داوە

11:42 - 31/12/2018
کوردستان

 هۆڵاند: هێرشەكانی توركیا بۆ ڕۆژئاوا مەترسییە بۆ دوبارە سەرهەڵدانەوەی تێرۆر لە ناوچەكە

فرانسۆ هۆلاندی، سەرۆكی پێشوی فەرەنسا ڕایدەگەیەنێت كوردانی ڕۆژئاوا قوربانییەكی زۆریان لەبەرامبەر گروپە تێرۆریستیی و جیهادییەكان لەسوریا داوە.

ڕۆژنامەی شەرقولئەوسەت بڵاوی كردوەتەوە، فرانسۆ هۆلاندی سەرۆكی پێشوی فەرەنسا دوای دیدارێكی لەگەڵ خالید عیسا، نوێنەری ئیدارەی ڕۆژئاوا لە بەیاننامەیەكدا راِیگەیاندوە، كوردی ڕۆژئاوا قوربانییەكی زۆریان لەبەرامبەر گروپە تێرۆریستیی و جیهادییەكان لەسوریاداوە.

 دەشڵێت: لەدوای بڕیارە تاك لایەنەكەی ترەمپ بۆكشانەوەی دوو هەزار سەرباز لەسوریا و ئەگەری هێرشی توركیا بۆسەر ڕۆژئاوای كوردستان مەترسی دوبارە سەرهەڵدانەوەی تێرۆر لەناوچەكە لەئارادایە.

 

هۆلاند، ئەوەش ناشارێتەوە بەهۆی ئەو هەڕەشانەی ئێستا بۆ ڕۆژئاوا لەئارادایە پێشبینی ئەوە دەكرێت هاوپەیمانەكانی فەرەنسا لەسوریا ڕوبەڕوی زیان ببنەوە.

559 جار خوێندراوەتەوە