میسر؛ هێزە ئەمنیەكان 40 چەكداری توندڕەویان كوشت

04:48 - 29/12/2018
جیهان

دوای كەمترلە 24 كاتژمێر لەتەقینەوەكی پارێزگای جیزەی باكوری میسر، وەزارەتی ناوخۆی ئەو وڵاتە كوژرانی 40 چەكداری توندڕەوی لەناوچەكانی جیزە و باكوری سینا راگەیاند.

وەزارەتی ناوخۆی میسر، بڵاویكردەوە، لەئەنجامی هەڵمەتێكدا لەهەردوو پارێزگای جیزەو باكوری سینا توانیویانە 40 چەكداری تیرۆرست بكوژن.

وەزارەتی ناوخۆی میسر ئاشكراشیكردوە، ئەو چەكدارانەی كەلایەن هێزەكانیانەوە كراونەتە ئامانج، پلانیانداناوە بۆ ئەوەی زنجیرەیەك كردەوەی تیرۆرستی ئەنجام بدەن.

كوژرانی ئەو ژمارە چەكدارە لەكاتێكدایە رۆژی هەینی بە دووری چەند كیلۆمەترێك لەهەڕەمەكانی پارێزگای جیزەی باكوری میسر هێرشكرایە سەر پاسێكی گواستنەوەی گەشتیاران و لەئەنجامدا 2 گەشتیاری ڤێتنامیی و رێبەرێكی گەشتیاری كوژران و 9كەسی دیكەش برینداربوون.

139 جار خوێندراوەتەوە