KNN زانیاری نوێ لەبارەی دۆسیەی سوتانی سێ‌ منداڵەكەی چەمچەماڵ و دایكیان ئاشكرادەكات

08:10 - 22/12/2018
کوردستان

سبەینێ‌ یەكەمین دانیشتنی دادگا بۆ كەیسی سوتانی سێ‌ منداڵەكەی چەمچەماڵ و دایكیان بەڕێوەدەچێت، KNN چەندین زانیاری نوێ‌ لەبارەی كەیسەكەوە بڵاودەكاتەوە، داواكاری لەپێشینەی كەسوكاری ژنەكەش گواستنەوەی كەیسەكەیە لە چەمچەماڵەوە بۆ سلێمانی.

ئەمە ئەو پیاوەیە كە چەند رۆژێك لەمەوە بەر كچەكەی و سێ كچەزای سوتان، ئەو ئێستا لەچاوەڕوانی ئەوەدایە ئایا جارێكی تر خوا كچەكەی پێدەبەخشێتەوە. 

كەڕوخساری پیری پڕلەمەینەتی ئەم باوكە دەبینیت كەم كەس هەیە بتوانێت بەرگەی ئاهی ساردی باو ك ‌و خێزان ‌و خانەوەدەكەی سێوە بگرێت.

بەوتەی كەسوكاری سێوە، سەرەتای گەیشتن بەم چیرۆكە تراژیدییە هەشت مانگە دەستیپێكردوە، لەو كاتەوە پەیوەندی سێوە و هاوسەرەكەی كە ئێستا لە زیندانە  باش نیە و چەندین سێوە ماڵەكەی جێهێشتوە و گەڕاوەتەوە بۆلای هاوسەرەكەی.

كەیسی سێوە، ناڕەزایی ژنان و رێكخراوەكانی لێكەوتۆتەوە، ئەمانە ئەو ژنانە كە نیگەرانن و وەك هەڵوێستێك لەبەردەم نەخۆشخانەی ئیمرجنسی سلێمانی كۆبونەتەوە، سێوە بەڕێژەیەكی بەرز جەستەی سوتاوە و  پزیشكەكان هیوایەكیان بۆژیانی نەماوە.

بەپێی بەدواداچونەكانی KNN، لەسەر ئەو دۆسیەیە جگە لە دانپێدانانی سێوە، چەند گرتەیەكی ڤیدیۆیی هەیە، كە گومانەكان لەسەر دۆسیەكە رونتر دەكەنەوە.

یەكێك لە كەسە نزیكەكانی سێوە، بۆ KNN ئاشكرایكرد، كە سێوە لەدانپێدانانەكانیدا چیرۆكەكەی واگێڕاوەتەوە، كە تەنانەت مناڵەكانی لە باوكیان پاڕاونەتەوە كە نەیان سوتێنێت، بەڵام بەپێچەوانەوە دڵرەقانەتر كارەكەی ئەنجامداوە.

رێكخراوەكان ژنان ‌و منداڵ پارێزبەكەمترەخەم دەزانن.
 
بەپێی زانیاریەكانی KNN رۆژی یەكشەمە یەكەمین دانیشتنی دادگا لەسەر كەیسەكە بە ئامادەبونی هاوسەری سێوە و باوكی شایەتحاڵەكان بەڕێوەدەچێت، یەكێك لە داواكارییەكانی كەسوكاری سێوەش گواستنەوەی دۆسیەكەیە لەچەمچەماڵەوە بۆ سلێمانی.

114411 جار خوێندراوەتەوە