به‌رده‌وامی خۆپیشاندانی هێله‌ك زه‌رده‌كان له‌ فه‌ره‌نسا​

05:35 - 09/12/2018
گەلەری

فەرەنسا؛ لەناوەڕاستی مانگی نۆڤەمبەری رابردوەوە خۆپیشاندانی هێلەك زەردەكان دەستیپێكرد
فەرەنسا؛ هێلەك زەردەكان بونەتە جوڵانەوەیەك لەدژی سیاسەتەكانی حكومەت


ماوەی چەند هەفتەیەكە خۆپیشاندان فەرەنسای گرتۆتەوە. جوڵانەوەیەك كە بەهێلەك زەردەكان ناسراوە ‌و حكومەتی ئەو وڵاتەی هەژاندوە، هێلەك زەردەكان كێن‌و چۆن ئەم خۆپیشاندانانە دەستی پێكرد. ماتهێڵدا پۆزێت یەكێك لەو خۆپیشاندەرانەی لەسەرەتای خۆپیشاندانەكانەوە بەشداری دەكات باس لە چۆنیەتی سەرهەڵدانی جوڵانەوەكەیان دەكات.

ماتهیڵدا پۆزێت لە رۆژی 17ی  مانگی رابوردوەوە بەشداری لەخۆپیشاندانی هێلەك زەردەكان دەكات كە جوڵانەوەیان لەئێستادا سەرانسەری فەرەنسای هەژاندوە.

ماتهێلدا قەزری لەبانك كردوە بۆئەوەی پارەی باجی نیشتەجێبونی ساڵانە بدات. 

بەنسبەت ماتهێلدا فراوانبونی جوڵانەوەی ناڕەزایی بەو مانایەبو، كە چاوی خەڵك كراوەتەوە‌و بەخەبەر دێن‌و بینی هەر خۆی بەتەنیا نیە. ماتهێلدا بە چاوی پڕ فرمێسكەوە باس لەوە دەكات چۆن بەتەنیا بۆ یەكەمجار بەشداریی خۆپیشاندانەكانی كردوەو ئێستا بەگروپ بەشداری دەكەن.

ئەو وەكو زۆر خۆپیشاندەر، ئەمانیش لە رێی  سۆشیال میدیای وەكو فەیسبوكەوە بەشدارییان كردوە. چەندین گروپ دروستكراون‌و دواتر تۆڕەكانی تریشی گرتەوە. تائێستا دیار نیە، جوڵانەوەی هێلەك زەردەكان چەند كەسن‌و چەند كەس پشتیوانییان لێدەكات، بەڵام هەرزو كارو خواستەكانی ئەم گروپە سەرانسەری وڵاتی گرتەوەو حكومەتی هەژاند.

دیاردەی هێلەك زەردەكان لە ڤیدیۆیەكەوە بڵاوبویەوە، كە لەسەر تۆڕە كۆمەڵایەتیەكان بڵاوكرایەوەو، كە ژنێك لەشاری بریتانی بەناوی جاكلین موراود پۆستی كردبو. لە ڤیدیۆكەدا جاكلین رەخنە لە باجی نوێی سوتەمەنی دەگرێت‌و باس لەوە دەكات، بۆ دانی باجەكانی تری وەكو تەندروستی پێویستە كاری تر بدۆزێتەوە.

جۆراوجۆری جوڵانەوەكە‌و بونی چەند وتەبێژێك بەبێ‌ سەركردەیەكی راستەقینە، كێشەی ئەوەی بۆ حكومەت درروستكردوە هیچ كەسێك دانوستانی لەگەڵدا بكات. كێشەیەكی تری جوڵانەوەكە ئەوەیە كەسانی توندڕەو راستڕەوی چەپ‌و راستی لێكۆبوەتەوە.

لەگەڵا ئەوەی تائێستا چوار كەس لە خۆپیشاندانەكان كوژران، پۆلیس ئامادەباشی دەكات بۆ خۆپیشاندانەكانی رۆژی شەممە. ماتهێلدا دەڵێت: بەشداری لە خۆپیشاندانەكان دەكات، ئەو هەرچەندە توندوتیژی رەتدەكاتەوە بەڵام بەشداریی دەكات لەبەرئەوەی ئەگەر هەیە گۆڕانكاریی لە رەوشەكەدا بكات.

لەدوەم خۆپیشاندا، توندوتیژی بەرامبەر كراوە‌و گازی فرمێسكڕێژی بەرامبەر ئەو خۆپیشاندەرەكانی تر بەكارهێنرا. لەخۆپیشاندانەكانی سێیەم هەفتەدا  دەیان پۆلیس كۆتاییان بەخۆپیشاندانێكی گروپەكەی هێنا.

ئێستا ماتهێلدای تەمەن 43 ساڵ كە لە دایەنگایەكی گشتیدا چاودێری منداڵان دەكات پلان دادەنێت بۆ خۆپیشاندانەكانی داهاتوو، ئەو كە دو منداڵی هەیە بەشێك لەو خانەنشین‌و خۆپیشاندەرە بە پەرۆشانەی لە دژی حكومەت خۆپیشاندان دەكەن‌و تۆمەتباری دەكەن لەوەی خەڵكی هەژاری فەرامۆشكردوە.

جوڵانەوەی هێلەك زەردەكان لە مانگی نۆڤەمبەر بە داخستنی رێگا ستراتیژییەكان بەهۆی توڕەیی شۆفێران لە باجی سوتەمەنی دەستیپێكرد، كە پلانێكی سەرۆك ئیمانوێل ماكرۆنە بۆ ئەوەی وڵاتەكەی لە بەكارهێنانی سوتەمەنی پیسكەری ژینگە دوربخاتەوە.

ناوی جوڵانەوەكە لەو هێلەكە فلۆرسینە هاتوە، كە شۆفێرن بە مەبەستی سەلامەتی ژیان لەبەری دەكەن.

شەوی چوارشەممەی رابوردو حكومەت پاشەكشەی كرد لەپلانەكەی بۆ زیادكردنی باجی سەر سوتەمەنی لە مانگی جەنیوەری داهاتو، ئەوەش بەمەبەستی هێوركردنەوەی شەقام، سێ‌ رۆژ بەر ل ەبەڕێوەچوونی چوار هەفتەی ناڕەزاییەكان لە پایتەختی فەرەنسا.

 

ماتهێلدا نە ئۆتۆمبیلی هەیە‌و نە مۆڵەتی شۆفێریش. ئەو بڕیاری داوە چیتر هێلەكی زەردیش لەكاتی خۆپیشاندانەكان نەپۆشێت لەبەرئەوەی جوڵانەوەكە چیتر پەیوەندی نییە بەئۆتۆمبیل‌و باجی سوتەمەنییەوە. ئەو ئێستا بەخۆی دەڵێت ژنێكی توڕەیی فەرەنسا.

460 جار خوێندراوەتەوە