پەرلەمانی عێراق بڕیاریدا بە دروستكردنی لیژنەی خزمەتگوزاری و گواستنەوە و گەیاندن

03:45 - 06/12/2018
عێراق

بەغدا؛ كۆبونەوەی ئەنجومەنی نوێنەران بە ئامادەبونی 207 ئەندام بەڕێوەچوو
پەرلەمانی عێراق بڕیاریدا بە تێكەڵكردنی هەردوو لیژنەی مافی مرۆڤ و ژنان و منداڵان
پەرلەمانی عێراق لیژنەی شەهیدان و زیندانیانی كردە دوو لیژنەی سەربەخۆ

ئەنجومەنی نوێنەرانی عێراق كۆبوەوە و بەهۆی ناكۆكی و ڕێكنەكەوتنی لایەنەكانەوە دەنگدان لەسەر كاندیدی پۆستە وزارییەكان لە ئەجێندای كۆبونەوەكەدا نەبوو.

پەیامنێری KNN رایگەیاند: كۆبونەوەكە بە ئامادەبونی 207 ئەندام بەڕێوەچوە و تیایدا بەزۆرینەی دەنگی ئامادەبوان دەنگدراوە لەسەر پێكهێنانی لیژنەی خزمەتگوزاری و گواستنەوە و گەیاندن بەو مەرجەی هەریەكێك لەو لیژنانە لە 23 ئەندام زیاتر نەبێت و هەریەك لە لیژنەی مافی مرۆڤ و ژنان و منداڵانیش تێكەڵكراون و لیژنەی شەهیدان و زیندانیانیش كراونەتە دوو لیژنەی سەربەخۆ.

هاوكات بەهۆی ئەوەی ڕۆژی دوو شەممەی داهاتوو پشوی فەرمیە كۆبونەوەكانی داهاتوو ڕۆژانی شەممە و یەك شەممەی سەرەتای هەفتەی داهاتوو بەڕێوە دەچن و لەسەر داوای محەمەد حەلبوسی، سەرۆكی پەرلەمانیش، داواكراوە لیستی ئەو 28 ناوەی كە لەخولی پێشودا بۆ پۆستی سەفیری عێراق لە وڵاتان دیاری كراون ئامادە بكرێن بۆ ئەوەی دووبارە گفتوگۆ و پێداچونەوەیان بۆ بكرێت و 111 پرۆژە یاساش، كە بەهەما شێوە لەخولی پێشودا دەنگیان لەسەر دراوە دووبارە بنێردرێتەوە بۆ حكومەت بۆ ئەوەی رای خۆیانی لەبارەوە بدرێت و دوبارە ئاڕاستەی پەرلەمان بكرێنەوە.

201 جار خوێندراوەتەوە