ئیسرائیل: لەدژی توندوتیژی خێزانی ژنان خۆپیشاندانیان كرد

08:04 - 05/12/2018
جیهان

ئیسرائیل: ناتانیاهۆ بەڵێندەدات پەلەبكرێت لەپەسەندكردنی یاسایەك دژی توندوتیژی خێزانی

لەوەڵامی خۆپیشاندانی دەیان هەزار ژن لەتەلئەیبیبی پایتەخت، بنیامین ناتانیاهۆ سەرۆكوەزیرانی ئیسرائیل بەڵێندەدات پەلەبكرێت لەپەسەندكردنی یاسای بەرەنگاربونەوەی توندوتیژی خێزانی.

ناتانیاهۆ فەرمانیدا بەحكومەت پەلەبكات لە پەسەندكردنی پرۆژەیاسای لێكۆڵینەوە لەگەڵا ئەو كەسانەی تۆمەتبارن بەتوندوتیژی خێزانی‌و دوپاتیكردەوە  توندوتیژی دژی ژنان وەكو كاری تیرۆریستی تاوانە‌و پێویستە تاوانباران توندترین سزا بدرێن.

رێكخەرانی خۆپیشاندانەكە داوادەكەن حكومەت بەڵێنێكی ساڵی رابوردوی جێبەجێبكات كە پێكدێت لەخەرجكردنی 67 ملیۆن دۆلار بۆ بنبڕكردنی توندوتیژیی خێزانی.

سەرۆكوەزیرانی ئیسرائیل بەڵێندەدات بودجەی پێویست تەرخان بكات بۆ جێبەجێكردنی ئەو پلانە.

ئەمساڵ 24 ژن لە ئیسرائیل كوژراوەو بەشێك لەژنانی ئەو وڵاتەش دڵنیانین لەسەلامەتی ژیانیان.


100 جار خوێندراوەتەوە